کورتەی هەواڵ:
ئێوارەی ئەمڕۆ لە کاتژمێر ٧:٣٠، ئاگرێکی بەهێز لە ژێرزەمینی مۆڵێکی تایبەت بە جلوبەرگ لە شاری هەولێر کەوتەوە. بەپێی گەواهیدەران، ئاگرەکە سەرەتا لە دوکانێکی شیلەوە دەستی پێکردووە و بەهۆی بوونی ڕێژەیەکی زۆر لە جلوبەرگ و کەلوپەلی خێرا گڕگرتوو، بە خێرایی تەشەنەی سەندووە و بووەتە هۆی سووتانی تەواوی ٤ بۆ ٥ دوکان.
دەستبەجێ حەوت بنکەی بەرگری شارستانی گەیشتنە شوێنی ڕووداوەکە و دوای هەوڵێکی زۆر توانیویانە ئاگرەکە گەمارۆ بدەن و کۆنتڕۆڵی بکەن. موقەدەم شێخاوەن، وتەبێژی بەرگری شارستانی هەولێر ڕایگەیاند کە ئاگرەکە لە ئێستادا لە قۆناغی ساردکردنەوەدایە و تیمەکانی ڕزگارکردن خەریکی پشکنینی ناو مۆڵەکەن، هەروەها ئاماژەی بەوەش کرد کە هۆکاری سەرەکی کەوتنەوەی ئاگرەکە و قەبارەی تەواوی زیانەکان دوای تەواوبوونی لێکۆڵینەوەکان ئاشکرا دەکرێن.
#Kurdistanpress
وەڵام بدەوه