کوردستان پرێس / هەولێر لە چوارچێوەی هەنگاوەکان بۆ مسۆگەرکردنی ئاسایشی ئاو، بەهێزکردنی ژێرخانی ئابووری، زیادکردنی بەرهەمی کشتوکاڵی و بەرەنگاربوونەوەی مەترسییەکانی وشکەساڵی و لافاو، داتای وردی پڕۆژە ستراتیژییەکانی کابینەی نۆیەمی حکومەتی هەرێمی کوردستان لە کەرتی ئاو، بەنداو و پۆندەکاندا بڵاوکرایەوە.
📌 کەرتی بەنداوەکان (کۆکردنەوەی پتر لە ٢٥٢ ملیۆن مەتر سێجا ئاو)
کابینەی نۆیەم ٩ بەنداوی نوێی بە تێچووی گشتیی ٢٦٥.٧ ملیار دینار دروست کردووە کە توانای گلدانەوەی ٢٥٢.٨ ملیۆن مەتر سێجا ئاویان هەیە. دیارترین بەنداوەکانیش بریتین لە:
بەنداوی گۆمەسپان: بە تێچووی ٩٥ ملیار دینار (توانای گلدانەوەی ٩٧.٥ ملیۆن مەتر سێجا).
بەنداوی دوین: بە تێچووی ٨٨ ملیار دینار (توانای گلدانەوەی ١٠٠ ملیۆن مەتر سێجا).
بەنداوەکانی دیکە: (دیوانە، بەستۆڕە، خنس، ئاقوبان، توورەجار، شەوگێڕ، و چەمەرگە).
📌 کەرتی پۆندەکان (فراوانبوونی بەرچاو)
لە پاڵ بوونی ٩٨ پۆندی کۆن پێش ئەم کابینەیە، لە کاتی ئێستادا ٣٠ پۆندی نوێ دروستکراون و ٥٧ پۆندی تریش لە قۆناغی جێبەجێکردندان.
📌 پڕۆژەکانی ئاوی پاک (دابینکردنی ڕۆژانەی ١.١٩٧ ملیۆن مەتر سێجا ئاو)
چەندین پڕۆژەی گەورەی ئاو لە شار و شارۆچکە جیاوازەکان جێبەجێ کراون یان لە قۆناغی تەواوبووندان، لەوانە:
پڕۆژەی فریاگوزاریی ئاوی خێرای هەولێر: بە تێچووی ٧٢٠ ملیار دینار.
پڕۆژەی ئاوی دووکان - سلێمانی سێ: بە تێچووی ٥٥١ ملیار دینار.
پڕۆژەی ئاوی بەحرکە و قوشتەپە: بە تێچووی ٤٢٨ ملیار و ٢٢٢ ملیار دینار.
پڕۆژەکانی ئاوی فایدە-دهۆک، ئاکرێ، ڕانیە-چوارقوڕنە، دەربەندیخان، و گۆپتەپە-چەمچەماڵ.
📌 پڕۆژە ژێرخانی و ستراتیژییەکانی دیکە
ئاوەڕۆی قورس: جێبەجێکردنی دوو بەشی پڕۆژەی چارەسەری ئاوەڕۆی قورس بە تێچووی گشتیی ٧٧٩ ملیۆن دۆلار.
تۆڕەکانی ئاو: ڕاکێشانی تۆڕی ئاوی هەولێر بە درێژیی ٤١١ کیلۆمەتر، لەگەڵ پڕۆژەکانی گەیاندنی ئاو بۆ ٥١ گوندی دەڤەری بارزان و ناوچەی پیرمام.
#Kurdistanpress
وەڵام بدەوه