چارەنووسی مووچە یەکلادەبێتەوە

کورتەی هەواڵ:

ئەم هەفتەیە بۆ پرسی مووچەی مانگی شەشی مووچەخۆرانی هەرێمی کوردستان یەکلاکەرەوە دەبێت. بڕیارە ڕۆژی یەکشەممە (لە ماوەی ٤٨ کاتژمێری داهاتوودا) وەزارەتی دارایی عێراق تەمویلی مووچەی هەرێم خەرج بکات. ئەگەر پارەکە بە یەک گوژمە بنێردرێت، هەر ڕۆژی یەکشەممە لیستی مووچە ڕادەگەیەنرێت، بە پێچەوانەشەوە دەکەوێتە ڕۆژی دووشەممە.

کێشەی سەرەکی ئەم مانگە پەیوەستە بە بڕینی ۱۲۰ ملیار دینار لە داهاتی نانەوتی هەرێم کە مانگی ڕابردوو کێشەی دارایی دروستکردبوو. لە ئێستادا شاندێکی باڵای هەرێم بە سەرۆکایەتی دکتۆر ئومێد سەباح لە بەغدایە و حکومەتی عێراق ڕەزامەندی سەرەتایی داوە بۆ دەستکاریکردنی ئەو بڕە پارەیە، بڕیاری کۆتاییش ڕۆژی سێشەممە لە کۆبوونەوەی ئەنجومەنی وەزیرانی عێراقدا دەدرێت تاوەکو بنەمایەک بۆ داهاتی نانەوتی تا ساڵی داهاتوو دیاری بکرێت.

#Kurdistanpress