لیژنەی هەموارکردنەوەی خشتەی مووچە لە عێراق بە سەرۆکایەتی هەنا ئەسەدی (بریکاری وەزارەتی پلاندانان)، ڕایگەیاند کە پڕۆژەی نوێی ڕێکخستنەوەی مووچە هەنگاوی گەورەی بڕیوە و ئامانجی سەرەکی بەدیهێنانی دادپەروەرییە لە نێوان فەرمانبەراندا.
خاڵە سەرەکییەکانی پڕۆژە نوێیەکە:
زیادکردنی مووچەی بنەڕەتی: پڕۆژەکە پێشنیازی زیادکردنی مووچەی بنەڕەتی (الاسمي) دەکات لە بەرامبەر کەمکردنەوەی هەندێک دەرماڵە، ئەمەش لە داهاتوودا بەشێوەیەکی ئەرێنی لەسەر مووچەی خانەنشینی ڕەنگدەداتەوە.
کۆکردنەوەی داتاکان: نزیکەی %80ی دۆسیەکان یەکلاکراونەتەوە. لیژنەکە چاوەڕوانی وەڵامی کۆتایی سەرجەم وەزارەتەکان و سێ سەرۆکایەتییەکە دەکات بۆ داڕشتنی کۆتایی سیناریۆکان.
بنبڕکردنی دوو مووچەیی: لە ڕێگەی تەواوکردنی پڕۆژەی (ژمارەی وەزیفی)، کار بۆ یەکلاکردنەوە و چارەسەرکردنی کێشەی دوو مووچەیی دەکرێت.
کەمکردنەوەی جیاوازییەکان: هەموارکردنەوەکە دەیەوێت کۆتایی بەو جیاوازییە "مەترسیدارە" بهێنێت کە لە نێوان مووچەکاندا هەیە، کە لە ئێستادا کەمترین مووچە 30 هەزار و بەرزترینیان دەگاتە 9 ملیۆن دینار.
#Kurdistanpress
وەڵام بدەوه