وەڵامێکى توند و ئاگرین لە مامۆستا مه‌لا مه‌سعوود كانی‌ كورده‌یی

مامۆستا مه‌لا مه‌سعوود كانی‌ كورده‌یی‌ , لەوتارى ڕۆژى هەینى , بە توندی بەرپەرچی ئەو دەنگ و لایەنانە دەداتەوە کە بە کەمبایەخییەوە سەیری قەوارەی هەرێم دەکەن یان هیوای نەمانی بۆ دەخوازن، پەیامەکەشی بەم خاڵانەی خوارەوە کورت دەبێتەوە:
​مێژوو و بەهای قەوارەکە: جەخت دەکاتەوە کە ئەم قەوارەیەی ئێستای هەرێمی کوردستان بە دیاری یان بە ئاسانی بەدەست نەهاتووە، بەڵکو بەرهەمی خوێنی هەزاران شەهیدی قارەمان، ئەنفال، کیمیاباران و ڕەنجی دەیان ساڵەی ئەم میللەتەیە.
​هۆشداریدان لە ململانێکان: مامۆستا هۆشداریی توند دەدات لەوەی کە نابێت ململانێی حزبی، سیاسی و بەرژەوەندیی تەسکی شەخسی ببنە هۆکاری تێکدان یان لەناوبردنی ئەم قەوارەیە، چونکە نەمانی ئەم دەستکەوتە مێژووییە ک کارەساتە بۆ سەر تەواوی گەلی کورد.
​بەرپرسیارێتیی گشتی: داوا لە دەسەڵاتداران و هاووڵاتیانیش دەکات کە هۆشیار بن، بە بەرپرسیارێتییەوە مامەڵە بکەن و پارێزگاری لەم قەوارەیە بکەن، چونکە وەک چۆن بە خوێن هاتووەتە بەرهەم، نەمانیشی تەنها بە ڕشتنی خوێن و ماڵوێرانیی دووبارە دەبێت.