خاوەن پشکەکان : مافەکانمان حەپەلۆش کران

لووتکەی ناڕەزایەتییەکان: دوای تێپەڕبوونی چەند کاتژمێرێک بەسەر فرۆشتنی کورسییەکانی نەوەی نوێ بە یەکێتی، ناڕەزایەتی خاوەن پشکەکانی چاڤیلاند گەیشتووەتە لووتکە.
​سیناریۆی گرتن و ئازادکردن: خاوەن پشکەکان پێیان وایە پرۆسەی گرتن و ئازادکردنی شاسوار عەبدولواحید تەنیا داوایەکی حزبی بووە بۆ ناچارکردنی بە ڕادەستکردنی پێگەی سیاسیی خۆی، نەک بۆ سەروەری یاسا و گەڕاندنەوەی مافی خەڵک.
​حەپەلۆشکردنی سەرمایەی خەڵک: لەم بازرگانییە سیاسییەدا، ئەوەی حیسابی بۆ نەکراوە ماندووبوون و پارەی سەدان خاوەن پشکی چاڤیلاندە کە ساڵانێکە لە دەستبەسەرداگرتنی سەرمایەکانیان هاوار دەکەن.
​بەقوربانیکردنی دادگا: خاوەن پشکەکان بە تووڕەییەوە ڕووی دەمی خۆیان دەکەنە بافڵ تاڵەبانی و ڕادەگەیەنن کە دادگا لە ژێر سێبەری دەسەڵاتی سلێمانیدا کراوەتە کەرەستەیەک بۆ ڕێککەوتنی حزبی و بەهۆی ئەم مامەڵە ژێربەژێرەوە دەیان دۆسیەی یاسایی و سکاڵا ڕاگیراون.
​#Kurdistanpress