یەکەم پەرلەمانتاری نەوێ نووێ دەست لە کارکێشانەوەی خۆی لەو حزبە راگەیاند

پەرلەمانتارێكی پێشووی نەوەی نوێ بە فەرمی دەست لەكار كێشانەوەی خۆی لە جووڵانەوەكە رادەگەیەنێت و هۆكارەكەشی بۆ گۆڕانی دیدگای سیاسیی خۆی دەگەڕێنێتەوە.
مۆفەق حسێن، پەرلەمانتاری پێشووی نەوەی نوێ لە پەرلەمانی عێراق، لە پێگەی خۆی لە تۆڕی كۆمەڵایەتیی (فەیسبووك) بڵاوی كردەوە: ”​دوای ماوەیەک لە کارکردن و هەوڵدان لە ڕیزەکانی جووڵانەوەی نەوەی نوێ کە تێیدا لە پێناو پرەنسیپ و باوەڕەکانمدا درێغیم نەکردووە، دۆخەکە وای خواست کە لێرە بە دواوە وێستگەی کارکردنی سیاسی و ڕێکخراوەییم لەم قۆناغەدا ڕابگرم."
ڕوونیشی كردووەتەوە: ”ڕایدەگەیەنم کە بە فەرمی دەست لەكار كێشانەوەی خۆم لە ئەندامێتی لە جووڵانەوەی نەوەی نوێ ڕادەگەیەنم. ئەم بڕیارەش دوای بیرکردنەوەیەکی قووڵ و لەبەرچاوگرتنی چەند هۆکارێکی تایبەتی و گۆڕانی دیدگام بۆ قۆناغی داهاتوو هاتووە."
ئەمە لە كاتێكدایە كە دوای ڕێككەوتنەكەی نێوان شاسوار عەبدولواحید و بافڵ تاڵەبانی كە بە گوتەی چاودێران، لەژێر فشاری زینداندا واژۆ كراوە، ژمارەیەكی زۆر لە كادیرانی نەوەی نوێ بە شێوەی جۆراوجۆر وازیان لەو حزبە هێناوە.