ل چەند سالێت بووری ھەرێما کوردستانێ دقوناغەکا سەخت و دژوار دەربازبوو. رووب روویێ چەندین بەربەست و کوسپان بوو، ل برینا بودجەی ل سەردەمێ مالکی و لەشکەرکێشیا عەبادی تادگەھیتە قەیرانا کۆرۆنایێ.
ل ڤی ماوەیی دا ھندا دگوت ئێدی چوو تشت نامینن ب ناڤێ قەوارا ھەرێما کوردستان کوە ئەوبخوە ڕێخوەشکەر و کاراکتەر بوون و جێبەجێکارێت چەندین پیلانان بون کوە ئێدی چوو حکومەتێت کوردی دروست نەبن.
لسەر تەڤ سەختیان کابینا نەھێ ب سەرۆکاتیا مسرور بارزانی پێشیا دوو سالان دناڤ باردوخەکێ دژوار و پڕ قەیڕاناوی ژدایک بوو. ب تەمەنەکێ کورت لماوێ حوکمرانیا خوە روبەرووی قەیرانێت دناڤ قەیرانان دابوو، مینا قەیرانا پەژیکا کۆرۆنایێ، کوە قەیرانا ئابوری ل تەڤایا ولاتێت جیھانێ دروست کرد ئەڤە ژبلی مەتریسا وێ ل سەر جانێ خەڵکی کوە ھەڕەشەیەکا جدی بوو ل سەر مروڤایەتیێ. ھەرێما کوردستان دوور نەبوو ژڤێ پەتایێ، کۆرۆنایێ داھاتێ ھەرێمی ل سفرێ نێزیک کر، لێ ئامانجا جەنابێ مسرور بارزانی پێشەکی پاراستنا جانێ ھاولاتیێت ھەرێمێ بوو ئەو رێکارێت جەنابێت وی گرتینەبەر پشتی چەند مەھان وڵاتان گرتنەبەر.
جەنابێ وی ھەردەم دگوت جانێ ھاولاتیان ل سەر ھەر تشتەکێ یە. مسرور بارزانی ب نەفەسەکا دوورو درێژ و پلان و ستراتیژیەکا توکمە روبەروی چەندین تەحەدایا بوو، ژوانا نزمبونا بەھایێ پێترولێ کوە داھاتێ سەرەکی یێ ھەرێمێ ل پێترولێ یە، پەژیکا کۆرۆنایێ، ھەڤدەم تەحەدا و خوسەپەندنا بەغدا ژ ئالیەکێ دن، ئەڤە ژبلی قەیرانا سیاسی یێت ناڤخوەیا ھەرێما کوردستانێ کوە ھندەک لایەنان بخوە دەلیڤە دیت قەیرانێ دبەرژەوەندیا خوە بکاربینن و پێ دژایەتیا حکومەتێ ھەرێمێ بکەن.
مسرور بارزانی ب چاکسازیان داھاتێ ناڤخوە چەند جاران زێدەکر، خەرجی کێمکرن، باج ل سەر پرانیا کومپانیێت مەزن دانان و موچێ ھزاران کەسێت نایاسای برین. بێ بەغدا بۆ ئێکەم جار موچێ مەھانە یێ فەرمانبەران جێگیرکرد، دگەل ھندێ دەست ب پروژان کر ل سەرجەم باژارێت کوردستان ب تەڤ پارێزگە و ناحیا و قەزا و ھەرێمداریاڤە بێ جیاوازی. ئەڤە ل دەمەکێ عێراق بوێ بودجا زەبەلاخ و پشتی چەندین قەرزێت نیڤدەولەتی بتنێ بەردەوامە ژ دانا موچەی ئەگەر چەندین کابینەیە ھیچ پروژەیەک نەھاتیە دروست کردن ژ سەدەمێ گەندەلیا بێ داوی.
کابینا نەھێ چەندین پروژێت ستراتیژی و گرنگ دانان کوەل داھاتیەکێ نێزیک دێ رەنگ ڤەدانێت وان پروژان خویابن بازار دێ گەشەگەتەڤە و چەندین دەلیڤێت کاری دروست بن، کو ژوان پروژان دابینکرنا ئاسایشا خوراکی کوە گرنگترین پروژە بویە و ھەروەھا ب شێوەکێ کارا کار لسەر رێکاوبانێت تەڤ پارێگەھا دکەن، چەندین پروژێت دن یێت گرنگ.
ھندەک لایەنێت کوردستان کوە ل ناڤ فەوزایان دا دکارن سیاسەتێ بکەن کاردکەن فەوزا داوی نەھێن، ھەردەم بەحس ب لێبریان موچەی دکەن لێ چوجاران ئامادەنین ڕاستیا سەدەمێ لێبرینا موچەی خویا بکەن، و ھەمان ئەو لایەن بون ب ئەجێندایێت دەرەکی ڕێگری دکر کوە کابینەیا نەھێ و چو حکومەتێت دن یێت کوردی دروست نەبن. ھەڵبەت ئەرکێ حکومەتێ یە موچەیێ فەرمانبەران ب تمامی و بێ لێبرین دابین بکەت، لێ سەدەمێ خوە ھەنە کوە لێبرین بەردەوام بیت و ھەمان ئەو لایەنێت بەحس ژ لێبرینا موچەی دکەن سەدەمێ سەرەکین کوە موچە ب تمامی نەھێتە دابەشکرن، داھاتێ ل ژێر دەسھەلاتا خوە تەسلیمی حکومەتا ھەرێمێ ناکەن، دێ ھەر کارەکێ کەن کوە حکومەتا مسرور بارزانی سەرکەفتی نەبە چونکە دئەساس دا دژی حکومەتێ وشەخسێ مسرور بارزانی بوینە.
خەڵک مافدارە داخازا ژیانەکا باشتر بکە کێماسی ژی ھەیا نھا زۆرن لێ نابە ل دیف فەوزایا وان لایەنا بکەڤە کوە ھەرتشتێ رەش بکەن و ببێژین چوتشت نەھاتینە کرن ژ بۆ جھئینانا مەرەمێت خوەیێت شەخسی و لایەنداری، ل سەردەمێ کابینا نەھێ زۆر کارێت باش ھاتینە کردن بەردەوامەژی ژبۆ کارێت باشتر ل ئیرو و سبە و ئایندەدا، کارێ ھەرە سەرەکی یێ کابینەیا نەھی ئێدی حکومەتا کوردی پشت بخوە ببەستە و تەکەزێ لسەر خوەبکە، نە خەڵک و و لاتێت دن ژبۆ ھندێ ئێدی نانێ خەڵکێ کوردستانێ وەکو کارتەکا سیاسی بکارنەئینن و ھەردەما بخازن ھەموو خەڵکێ کوردستان برسی بکەنەڤە.
وەڵام بدەوه