پەیامێک لە وەزارەتی دارایی هەرێمی کوردستان

کۆمەک و هاوکاریەکانی وەزارەتی دارایی حکومەتی هەرێمی کوردستان بۆ ڕۆژئاوای کوردستان دابەش کرا.

دوای گەیشتنی کاروانی کۆمەک و هاوکاریەکان کە لە چوارچێوەی کەمپینی وەزارەتی دارایی و ئابووری حکومەتی هەرێمی کوردستان بۆ هاوکاری ڕۆژئاوای کوردستان ئامادە کرابوون، لەماوەی دوو هەفتەی ڕابردوودا لە ڕێی تیمە هاوبەشەکانی دەزگای خێرخوازی بارزانی و مانگی سوری کوردی تەواوی هاوکاریەکان بەسەر ئاوارەکان و خەڵکانی شایستە دابەشکران.

شایەنی باسە هاوکاریەکان پێکهاتوون لە ( ٨٩١٠ ) هەشت هەزار نۆ سەد و دە پاکێجی خواردن لە ڕێگای ( ٢٧ ) بارهەڵگرەوە ڕەوانەی ڕۆژئاوای کوردستان کران و دوای گەیشتنیان بەسەر شارەکانی ڕۆژئاوای کوردستان دابەشکران، بەجۆرێک ( ١٦ ) بارهەڵگر لە شاری عامودا کە پێکهاتبوو لە ( ٥٢٨٠ ) پاکێج و ( ٩ ) بارهەڵگر لە شاری قامیشلۆ کە پێکهاتبوو لە ( ٢٩٧٠ ) پاکێج و دوو بارهەڵگر لە شاری دێرک کە پێکهاتبوو لە ( ٦٦٠)  پاکێجی خواردن دابەش کران.

ڕاگەیاندنی وەزارەتی دارایی و ئابووری
٢٣ ی شوباتی ٢٠٢٦