پەیامێک لە وەزارەتی کارەبا بۆ هاوڵاتیان

⸻

بەپێی ئامارەکانی کارووباری فرۆشتنی ووزە لە سنوری بەرێوەبەرایەتی گشتی کارەبای سۆران بڕی پارە بۆ هاوبەشان هاتووە بەم شێوەیە:

بەپێی ئامارەکان:
زیاتر لە (٤١,٠٠٠) هاوبەش لە پرۆژەی رووناکی تۆمارکراون لە پۆلەکانی (مالان، بازرگانی، پیشەسازی، کشتوکالی و میری).

لە کۆی ئەم ژمارەیەدا (٣٣,٣٧٠) هاوبەش، مالانن.
ئەم ئامارە تەنها تایبەتە بە هاوبەشانی مالان، چونکە لە ماوەی ڕابردوودا گلەی زۆر لەلایەن ئەوانەوە سەبارەت بە بڕی پارەی کارەبا هەبوو.

• (٢٧,٢٤٦) هاوبەش، واتە بە رێژەیی (٨١,٦٥٪)، بڕی خەرجی کرێی کارەبای مانگی یەکیان بۆ هاتۆتەوە.

• لەم ژمارەیەدا، (٢١,٤٠٨) هاوبەش (بە رێژەیی ٦٤,١٥٪) بڕی پارەی کارەبایان لە نێوان (٧٥٠ تا ٢٠٠,٠٠٠) دینار بووە.

• هەروەها (٦,١٢٤) هاوبەش، واتە (١٨,٣٥٪)، لە مانگی یەکدا هیچ بڕە پارەیەکیان بۆ نەهاتۆتەوە.

• نزیکەی (٥,٨٠٠) هاوبەشیش بڕی پارەی کارەبایان (٢٠٠,٠٠٠ دینار بەرەو سەرەوە) بووە.

بەرێوەبەرایەتی گشتی کارەبای سۆران