مژدەی خۆش بۆ جوتیاران هات

سایلۆی هەولێر ئاگادارییەكی نوێ ئاڕاستەی جووتیارانی سنوورەكە دەكات كە وادەی رادەستكردنی چەكی پارەی ساڵی 2015 بۆ ماوەی 15 رۆژی دیكە درێژكرایەوە.

ئەمڕۆ پێنجشەم 12ـی شوبات، میران بەختیار بەرێوەبەری بازرگانی دانەوێڵەی هەولێر، راگەیاند، لە 21-01-2026 ئەو جووتیارانەی تا ئێستە پارەی چەكی ساڵی 2015یان وەرنەگرتووە ئاگادار كرانەوە لە ماوەی 15 رۆژدا سەردانی سایلۆ بكەن، ئێستە بە مەبەستی هاوكاری و لەبەرچاوگرتنی بەرژەوەندی جووتیاران، بڕیار درا وادەكە بۆ 15 رۆژی دیكە درێژ بكرێتەوە.

زیاتر گوتی، جووتیاران دەتوانن لە 11-02-2026 تا 25-02-2026 سەردانی سایلۆی هەولێر بكەن، بە مەبەستی رادەستكردنی چەكەكانیان و تەواوكردنی رێكارەكان بۆ وەرگرتنی شایستە داراییەكانیان.

ئەوە لە كاتێكە پێشتر بەهۆی دواخستنی پارە لەلایەن بەغدا ماوەی 10 ساڵ جووتیارانی هەولێر نەیان توانی شایتەسەكانی خۆیان وەربگرن.