بارانی بەخوڕ بەڕێوەیە

ئه‌مڕۆ یه‌كشه‌ممه‌ 1ی 2ی 2026، ئاراس جه‌بار شاره‌زای كه‌شناسی ڕایگه‌یاند، لە ئەنجامی هاتنی بارستەهەوایەکی شێدار و گەرمی باکووری ئەفریقا و دەریای سوور بۆ سەر ناوچەکانمان سبەی دووشەمە 2/2/2026 بەراورد بە ئەمڕۆ پلەی گەرما 3 تا 4 پلە بەرز دەبنەوە، لەگەڵ هەستکردن بە گەرما لە زۆربەی ناوچەکان، پاشان لە نیوەڕۆی دوو سبەی رۆژی سێشەمەوە 3/2/2026 بۆ کاتەکانی شەو لە ئەنجامی کاریگەری نزمە پاڵەپەستۆیەک لە دەریای ناوەڕاستیشەوە کە بارستە هەوایەکی ساردی لەگەڵ دەبێت دۆخی کەشوهەوا لەسەر ناوچەکانمان ناجێگیر دەبێت و شەپۆلێکی هەورەبروسکە و بارانبارینی بەخوڕ سەرجەم ناوچەکانمان دەگرێتەوە و لە هەندێ شوێنیشدا تەرزە دەبارێت لەگەڵ ئەگەری دروستبوونی لافاوی خێرا لە هەندێ شوێندا و چالاکبوونی بای باشوور بە خێرایی 15-30کم/ک ، کاریگەری ئەم ناجێگیریە توندتر دەبێت لەسەر ناوچەکانی سنووری ئیدارەی گەرمیان و پارێزگای سلێمانی و هەڵەبجە لەو ناوچانەدا چاوەڕوان دەکرێت رێژەیەکی زیاتر باران ببارێت.

ئه‌وه‌شی خستووه‌ته‌ روو، بۆ رۆژی چوارشەممەش 4/2/2026 کاریگەری ئەو شەپۆلە بە لاوازی لەسەر ناوچەکانمان تا کاتەکانی شەو بەردەوامی دەبێت لەگەڵ نزمبوونەوەی پلەی گەرما و بارینەوەی بەفر لەسەر ناوچە شاخاوییەکان لە بەرزی 1200م لەئاستی ڕووی دەریاوە.

رێژەی بارانی پێشبینیکراو بە ملم

پارێزگای سلێمانی 20-35 ملم

پارێزگای هەڵەبجە 20-35 ملم

پارێزگای هەولێر 10-20 ملم

پارێزگای کەرکووک 5-15 ملم

پارێزگای دهۆک 5-10 ملم

ئیدارەی گەرمیان 10-25 ملم

ئیدارەی راپەرین 10-25 ملم

ئیدارەی سۆران 10-20 ملم

هاوكات ئه‌و كه‌شنانه‌ ئاماژه‌ی بۆ ئه‌وه‌ش كردووه‌، دوا بە دوای ئەو شەپۆلەش شەممەی داهاتوو 7/2/2026 شەپۆلێکی دیکەی بارانبارین ناوچەکە دەگرێتەوە و بۆ ماوەی چەند رۆژێک بەردەوام دەبێت.