هێزەکانی سووریای دیموکرات بە فەرمی ڕایدەگەیەنێت کە کۆنترۆڵی زیندانی شەدادیەی لەدەست داوە کە هەزاران چەکداری دا*ع.شی تێدایە، هۆکارەکەشی بۆ هێرشی هێزەکانی دیمەشق و بێدەنگیی هاوپەیمانان دەگەڕێنێتەوە.
ئەمڕۆ دووشەممە ١٩ی ١ی ٢٠٢٦، ناوەندی ڕاگەیاندنی هێزەکانی سووریای دیموکرات (هەسەدە) لە بەیاننامەیەکدا بۆ ڕای گشتی ئاشکرای کرد، لە بەرەبەیانی ئەمڕۆوە "چەکدارانی سەر بە دیمەشق" چەندین جار هێرشیان کردووەتە سەر زیندانی شەدادیە.
بەگوێرەی بەیاننامەکە، سەرەڕای ئەوەی هەسەدە بەرپەرچی هێرشەکانی داوەتەوە و دەیان "شەهید و بریندار"ی داوە، بەڵام دواجار کۆنترۆڵی زیندانەکەی لەدەست داوە.
هەسەدە نیگەرانیی توندی بەرانبەر هاوپەیمانان دەربڕیوە و ڕایگەیاندووە: "سەرەڕای ئەوەی بنکەی هاوپەیمانیی نێودەوڵەتی تەنیا دوو کیلۆمەتر لە زیندانەکەوە دوورە و چەندین جار داوای دەستوەردانمان کردووە، بەڵام دەستوەردانیان نەکرد."
دەقی راگەیەندراوەکە:
بەیاننامەیەک بۆ ڕای گشتی سەبارەت بە بارودۆخی ئەم دواییەی زیندانی ئەلشەدادی
لە بەرەبەیانی ئەمڕۆوە بەندیخانەی ئەلشەدادی کە هەزاران تیرۆریستی داعشی تێدایە، چەندین جار لەلایەن کوتلەکانی دیمەشقەوە هێرشی کراوەتە سەر.
هێزەکانی سوریای دیموکرات (هەسەدە) ئەم هێرشانەیان بەرپەرچ داوەتەوە و چەندین جار شکاندنیان کردووە و لە ڕێگریکردن لە کارەساتی ئەمنی تووشی دەیان شەهید و بریندار بوون.
هەرچەندە بەندیخانەی ئەلشەدادی تەنها نزیکەی دوو کیلۆمەتر لە بنکەی هاوپەیمانی نێودەوڵەتی لەو ناوچەیە دوورە، بەڵام سەرباری چەندین جار داوای دەستوەردان لەو بنکەیەدا دەستوەردانی نەکردووە.
لێرەوە ڕای گشتی ئاگادار دەکەینەوە کە لە ئێستادا زیندانی ئەلشەدادی لەدەرەوەی کۆنترۆڵی هێزەکانمانە.
ناوەندی ڕاگەیاندنی SDF
١٩ی ژانویەی ٢٠٢٦
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه