ئهندامێكی كۆمیتهی ناوهندیی پارتی دیموكراتی كوردستان ئاماژه بهوه دهكات كه پارتی تێڕوانینی خۆی ههیه بۆ ئیدارهدانی حكوومهتی عێراق و لهسهر ئهو بنهمایهش شاندی دانوستانكاری بۆ پێكهێنانی حكوومهتی عێراق دروست كردووه.
د. محهمهد خورشید، ئهندامی كۆمیتهی ناوهندیی پارتی، راگەیابد: "پارتی تێڕوانینی خۆی ههیه بۆ ئیدارهدانی حكوومهتی نوێی عێراق و له راگهیهنراوی كۆمیتهی ناوهندیی پارتی هاتووه كه پارتی چ داواكارییهكی له كابینهی تازهی حكوومهتی عێراق ههیه، له كۆبوونهوهی كۆمیتهی ناوهندیی پارتیدا سهرۆك بارزانی دیدی پارتیی بۆ حوكمڕانیی بهغدا روون كردهوه و ئێمه وهك پارتی داوای پێگهی كوردستان دهكهین له حكوومهتی عێراق، لهسهر بنهمای هاوسەنگی و هاوبەشی و سازان، ئامۆژگاریی سهرۆك بارزانی ئهوهیه كه تێبینیمان لهسهر ئهوانه ههبێت و ڤیتۆمان لهسهر ئهوانه ههبێت كه دهیانهوێت شهڕی كورد و عهرەب و تایفهگهری دروست بكهن.“
ئهوهشی خسته روو: ”پارتی شاندی دانوستانكاری بۆ بهغدا دروست كردووه و كۆمهڵێك داواكاریمان ههیه، لهوانه ئهوهی گرنگه دووباره رێكخستنهوهی دادگای فیدراڵییه بهپێی دهستوور و پرسی دروستكردنی ئهنجوومهنی فیدرالی و بابهتی بودجه و مووچه و بابهتی یاسای ههڵبژاردن.“
باسی لەوەش كرد كە پۆستی سەركۆماری عێراق، موڵكی هیچ لایەنێكی دیاریكراو نییە، بەڵكوو هی خەڵكی كوردستانە.
وەڵام بدەوه