بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، پێشبینییەکانی بۆ 48 سەعاتی داهاتوو بڵاو کردەوە و ڕای گەیاند، بارانبارین بەردەوام دەبێت و سبەی شەو کۆتایی دێت.
ئەمڕۆ هەینی 12ی کانوونی یەکەم، بەڕێوەبەرایەتیی گشتیی کەشناسی لە ڕاگەیەنراوێکدا ئاشکرای کرد، ئەمڕۆ ئاسمان بەگشتی هەوری تەواو دەبێت، نمەباران و بارانی مامناوەند بە پچڕپچڕی لە زۆربەی ناوچەکان دەبارێت، لەگەڵ بارینی بەفر لە ناوچە شاخاوییە بەرزەکان و ناوچە سنوورییەکان.
سەبارەت بە پلەکانی گەرما، ئاماژە بەوە دراوە کە بە بەراورد بە دوێنێ، یەک تا دوو پلە نزم دەبێتەوە.
لەبارەی کەشوهەوای سبەی شەموو 13/12/2025، کەشناسی ڕوونی کردووەتەوە کە ئاسمان هەوری تەواو دەبێت و پاشان دەگۆڕێت بۆ نیمچەهەور، بارینی نمەباران و بارانی مامناوەند لە زۆربەی ناوچەکان بەردەوام دەبێت و لە ناوچە سنوورییەکانیش بەفر دەبارێت.
لە بەشێکی تری ڕاگەیەنراوەکدا هاتووە، پێشبینی دەکرێت کاریگەریی ئەم شەپۆلە لە کاتەکانی شەوی شەموودا کۆتایی بێت.
بەرزترین پلەکانی گەرمای پێشبینیکراو بۆ سبەی بەم شێوەیە دەبێت:
هەولێر: 13 پلە
سلێمانی: 13 پلە
دهۆک: 14 پلە
زاخۆ: 14 پلە
کەرکووک: 15 پل
هەڵەبجە: 13 پلە
سۆران: هەشت پلە
ئاکرێ: 13 پلە
ئامێدی: 10 پلە
گەرمیان: 15 پلە
وەڵام بدەوه