بڕیارە ئەمڕۆ كۆڕبەندی ئاشتی و ئاسایشی رۆژهەڵاتی ناوەڕاست دەست پێ بكات، لە كۆڕبەندەكەدا سەرۆك بارزانی، سەرۆكی هەرێمی كوردستان نێچیرڤان بارزانی، سەرۆك وەزیران مەسروور بارزانی سەرۆك وەزیرانی كوردستان، محەمەد شیاع سوودانی سەرۆك وەزیرانی عێراق و دەیان كەسایەتیی تر قسەیان دەبێت.
ئەمڕۆ دووشەم 17ـی تشرینی دووەم، بە ئامادەبوونی سەرۆك بارزانی، كۆڕبەندی ئاشتی و ئاسایشی ڕۆژهەڵاتی ناوەڕاست لە دهۆك دەست پێ دەكات، گفتوگۆ لەبارەی ئاڵنگاری و گۆڕانكارییەكانی ناوچە دەكرێت.
لە كۆڕبەندی ئەمساڵ سەرۆك بارزانی، نێچیرڤان بارزانی سەرۆكی هەرێمی كوردستان، مەسروور بارزانی سەرۆك وەزیران، محەمەد شیاع سوودانی سەرۆك وەزیرانی عێراق، سەتان سەركردە و كەسایەتیی سیاسی، نوێنەر، دیپلۆمات و كەسانی ئەكادیمی لە وڵاتانی جیاوازەوە بەشدارن.
لە كۆڕبەندی ئەمساڵ گفتوگۆ لەسەر ململانێ و ئاڵنگارییەكانی ڕۆژهەڵاتی ناوەڕاست دەكەن، بەدوای ئاشتی و چارەسەرێكی درێژخایەن دەگەڕێن بۆ ئاڵنگارییەكان.
ئەمساڵ چەندان گۆڕانكاری و ڕووداوی گرنگ و هەستیار لە عێراق و ڕۆژهەڵاتی ناوەڕاست ڕوویان داوە، لەوانەش هەڵبژاردنی خولی شەشەمی پەرلەمانی عێراق، دیاریكردنی نێردەی تایبەتی ئەمەریكا بۆ عێراق، جەنگی 12 ڕۆژەی ئێران و ئیسرائیل، واژووكردنی ڕێككەوتنی ئاگربەستی غەزە، گۆڕانكارییەكانی سووریا و پرۆسەی ئاشتی لە توركیا و باكوری كوردستان، گفتوگۆیان لەسەر دەكرێت.
وەڵام بدەوه