دژی بڕیارێكی یەكێتی، جێگری بەرپرسی مەڵبەندی چواری ئەو حزبە لە دهۆك، بوو بە پارتی
لە دژی بڕیارێكی یەكێتیی نیشتمانیی كوردستان بۆ دەنگدان بە بەربژێری میلیشیاكەی رەیان كلدانی، جێگری بەرپرسی مەڵبەندی چواری یەكێتی لە دهۆك پەیوەندیی بە ریزەكانی پارتی دیموكراتی كوردستانەوە كرد.
بژار شێخ عوبەید، جێگری بەرپرسی مەڵبەندی دهۆكی یەكێتی لە دهۆك پەیوەندیی بە پارتی دیموكراتی كوردستانەوە كرد و لە تۆمارێكی ڤیدیۆییدا رای گەیاند، پاش ئەوەی لەسەرمان سەپێندرا كە لە دهۆك دەنگ بە بەربژێرەكەی رەیان كلدانی بدەین، من بڕیاری خۆم دا و دەستم لەكاركردن لە ڕیزەكانی یەكێتی كێشایەوە.
روونیشی كردەوە كە ئەو زیاتر لە ٣٠ ساڵە لەنێو یەكێتیدا كار دەكات، پێشتر بیری لەوە نەكردووەتەوە كە واز لە ریزەكانی یەكێتی بهێنێت، بەڵام ئەو بڕیارەی یەكێتی كە داوای لە كادیرانی كردووە دەنگ بە بەربژێری لیستی یەكێتی نەدەن و دەنگ بە كاندیدی میلیشیای بابلیون بدەن، وای كردووە دەست لەكار بكێشێتەوە و پەیوەندیی بە ریزەكانی پارتییەوە بكات.
وەڵام بدەوه