سەرۆک بارزانی خۆشحاڵی خۆی بە جوانی و ئاوەدانیی زاخۆ دەربڕی و گوتی: "خەڵكی زاخۆ شایەنی ئەم خزمەتەن کە بۆیان کراوە"
ئێوارەی ڕۆژی هەینی، 31ـی تشرینی یەکەمی 2025، سەرۆك مەسعود بارزانی سەردانی بازاڕی کۆنی زاخۆی کرد و لەوێدا بەسەر قشڵەی زاخۆی کۆن کەوت و هەروەها چاوی بە کۆڕنیشی زاخۆش کەوت.
بارەگای بارزانی بڵاوی کردەوە، قشڵەی زاخۆ مێژووەکەی دەگەڕێتەوە بۆ پێش هەزار و 120 ساڵ، ئەم شوێنە لە سەردەمی ڕژێمی لە ناوچوو بۆ ئەشکەنجەدان و ئازاردانی هاووڵاتییانی سڤیل بەکار دەهات، ئێستاش حکوومەتی هەرێمی کوردستان بە شێوازی کولتووریی قشڵەی کۆنی زاخۆی نۆژەن کردووەتەوە و بووەتە شوێنێکی گەشتیاری و هەزاران کەس بۆ بینینی سەردانی دەکەن.
سەرۆك بارزانی لەم بەسەرکردنەوەیەدا خۆشحاڵیی خۆی بە جوانی و ئاوەدانیی زاخۆ دەربڕی و ئاماژەی بەوەدا، خەڵكی زاخۆ شایەنی ئەم خزمەتەن کە بۆیان کراوە.
بە پێی ڕاگەیەنراوەکە، دواتر سەرۆك بارزانی سەردانی گوندی سپی کرد و دیمەنی زاخۆی لە بەرزاییەکانەوە بینی و هەروەها چاوی بە ژمارەیەک هاووڵاتی کەوت کە سەردانی زاخۆیان کردووە و، وێنەشی لەگەڵ بەشێک لە هاووڵاتییان گرت.
وەڵام بدەوه