زیاتر لە شەش هەزار پێشمەرگە زەویان پێدەدرێت
سەربەست مەولوود، سەرپەرشتیاری تیمی وردبینی و ڕێكخستنی فۆڕمی دابەشكردنی زەوی لە وەزارەتی شارەوانی بۆ میدیای پارتی:
بەشێكی دیكەی رەزامەندیی تەرخانكردنی زەوی لە ئەنجوومەنی وەزیران گەڕایەوە كە هەمووی سەر بە هێزەكانی پێشمەرگەن.
لیستەكە ناوی زیاتر لە شەش هەزار و 300 پێشمەرگەی یەكەكانی 70 و 80ی پێشمەرگە لەخۆ دەگرێت.
ئەو ناوانەی كە بە لیست هاتوونەتەوە نووسراویان بۆ دەكرێت، رەزامەندییەكان بەپێی شوێنی نیشتەجێبوون و كارتی زانیاری و بەپێی پارێزگا و ئیدارە سەربەخۆكان جیا دەكرێنەوە، پاشان بۆ شارەوانییە پەیوەندیدارەكانیان رەوانە دەكەین، بۆ تەرخانكردنی زەوی بۆیان.
لیستێكی دیكە كە زیاتر لە شەش هەزار ناوە، لە ئەنجوومەنی وەزیرانە، ئەوانیش (موتەفەریقەن) واتا ناوی فەرمانبەرانی وەزارەتە جیاوازەكانن و بەمنزیكانه لە ئەنجوومەنی وەزیران دەگەڕێتەوە.
لە قۆناغی كۆتایی وردبینی و ناردنی فۆڕمی زەویی فەرمانبەرانداین و نزیكەی 480 هەزار ڕەزامەندیی تەرخانكردنی زەوی لە ئەنجوومەنی وەزیران بۆ فەرمانبەران و خانەنشینان و پێشمەرگە و كارمەندانی ناوخۆ گەڕاوەتەوە.
وەڵام بدەوه