هەشت کۆمپانیای کوردستان ئامادەییان بۆ هەناردەی نەوت راگەیاند
8 کۆمپانیای نەوتی لە هەرێمی کوردستان بە فەرمی دەستپێکردنەوەی هەناردەی نەوتیان راگەیاند و دەڵێن: "بەشێوەیەکی بنەڕەتی لەگەڵ حکومەتەکانی هەرێمی کوردستان و عێراق گەیشتینە رێککەوتن."
لە راگەیێندراوێکدا ئەو 8 کۆمپانیایە باس لەوە دەکەن: "لە رێگەی بۆریی نەوتی عێراق-تورکیاوە دەست بە هەناردە دەکەینەوە."
ئەو کۆمپانیایانە سوپاسی "سەرکردایەتیی" محەممەد شیاع سوودانی، سەرۆک وەزیرانی عێراق و پشتگیریی مەسرور بارزانی، سەرۆک وەزیرانی هەرێمی کوردستان دەکەن.
لەبارەی واژۆکردنی رێککەوتنەکانەوە کۆمپانیاکان ئاماژەیان بەوە کردووە کە پێشبینی دەکەن لە چەند رۆژی داهاتوو واژۆ بکرێن.
"رێککەوتنەکە دڵنیایی پارەدان بە کۆمپانیاکانی نەوت دەدات." 8 کۆمپانیاکە لە راگەیێندراوەکەیاندا وایان گوتووە.
وەڵام بدەوه