به‌ڕێوه‌به‌ری یاسایی له وه‌زاره‌تی شاره‌وانی و گه‌شتوگوزار ده‌ڵێ "لیستێكی دیكه‌ی ناوی فه‌رمانبه‌ران بۆ وه‌رگرتنی زه‌وی په‌سه‌ند كراوه، پرۆسه‌كه‌ش به‌رده‌وامه."
سه‌ربه‌ست مه‌ولود، به‌ڕێوه‌به‌ری یاسایی له وه‌زاره‌تی شاره‌وانی ڕایگه‌یاند "پرۆسه‌ی گه‌ڕانه‌وه‌ی ناوی فه‌رمانبه‌ران بۆ وه‌رگرتنی زه‌وی به‌رده‌وامه و حه‌فته‌ی ڕابردوو ناوی 12هه‌زار فه‌رمانبه‌ری دیكه له ئه‌نجوومه‌نی وه‌زیران گه‌ڕاونەته‌وه بۆ وه‌زاره‌ت و سوودمه‌ند ده‌بن له وه‌رگرتنی زه‌وی، پرۆسه‌كه‌ش تا یه‌ك فه‌رمانبه‌ر مابێت بەردەوام دەبێت."
به‌رپرسه‌كه‌ی وه‌زاره‌تی شاره‌وانی گوتیشی "ئێستا شه‌ش هه‌زار ناوی دیكه له وه‌زاره‌تی شاره‌وانی كاریان له‌سه‌ر ده‌كرێت، چاوه‌ڕێی لیستی دیكه‌ی وه‌زاره‌تی پێشمه‌رگه‌ین تا بگاته وه‌زاره‌ت بۆ وردبینی، دواتر بۆ وه‌رگرتنی ڕه‌زامه‌ندی ڕه‌وانه‌ی سه‌رۆكایه‌تی ئه‌نجوومه‌نی وه‌زیران ده‌كرێت."
سه‌ربه‌ست مه‌ولود ئاماژه‌ی بۆ ئه‌وه كرد "ئه‌وانه‌ی سوودمه‌ند بوونه له وه‌رگرتنی زه‌وی له شاره‌وانییه‌كان كار له‌سه‌ر پاككردنه‌وه‌ی ناوه‌كانیان ده‌كرێت، تا بزانین كێ پێشتر سوودمه‌ند بووه، دوای ته‌واوبوونی وردبینی كارتی زه‌وی به فه‌رمانبه‌ر ده‌درێت و پرۆسه‌ی تاپۆكردنیان به‌ڕێوه ده‌چێت."
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه