لێدوانی مەسرور بارزانی لە بارەی مووچە

مەسرور بارزانی وڵاتانی دیكە چاو لە هەرێمی كوردستان دەكەن بۆ پێشخستنی ئابووری و خۆشیان سوودمەند دەبن. مەسرور بارزانی، سەرۆکی حکومەتی هەرێمی کوردستان، لە لێدوانێكی رۆژنامەوانیدا، لەبارەی مووچەی فەرمانبەرانی هەرێمی كوردستان، ڕایگەیاند: هەمیشە كێشەیەكی نوێ لە حكوومەتی فیدرالییەوە بۆ مووچە دروست كراوە، بەڵام هەوڵمان داوە لەسەرخۆ و بە گفتوگۆ چارەسەری بكەین، ئەوەی لەسەر ئیمەیە دەیكەن، ئێستەش شاندی ئێمە لە بەغدا لە گفتوگۆ بەردەوامن و لەسەر داهاتی نانەوتی گەیشتوونەتە قۆناغی كۆتایی بۆ لێكتیگەیشتن، بۆ هەناردەكردنی نەوتیش ئێمە لەگەڵ كۆمپانیا نەوتییەكان و حكوومەتیش عێراقیش گەیشتووینەتە ڕێككەوتن، ئەوەی ماوە  لە نێوان كۆمپانیا نەوتییەكان و حكوومەتی عێراقە، داوای گرەنتتی دەكەن بۆ بەردەوامی دابینكردنی شایستە داراییەكانی خۆیان. ئێستە وڵاتانی دیكە چاو لە هەرێمی كوردستان دەكەن بۆ پێشخستنی ئابووری و خۆشیان سوودمەند دەبن