لەسەر پرۆژەی رووناکی هاوڵاتیان ئاگادار دەکرێنەوە

کارەبای سۆران؛ بەهۆی کارکردنی تیمەکانی پڕۆژەی ڕووناکی کارەبا بە کاتی دەبڕێت
بەرێوەبەرایەتی گشتی کارەبای سۆران ڕایگەیاند: دوای ئەوەی پرۆژەی ڕووناکی گەیشت بە ئیدارەی سەربەخۆی سۆران، تیمەکانی ئەم پرۆژەیە بەردەوامن لە کارکردن. بۆیە بە پێویست دەزانین هاوڵاتیانی بەڕێز ئاگادار بکەینەوە کە هەر رۆژێک تیمەکان کار بکەن لە هەر گەرەکێک،کارەبا بە کاتی دەبڕێت بەهۆی کارکردنی تیمی پرۆژەی ڕووناکی.
بەڕێوەبەرایەتی گشتی کارەبای سۆران ڕاشیگەیاندووە؛ بەو هۆیە، لەسەر ڕاسپاردەی بەرێز بەرێوەبەری گشتی و بەرێز قائیمقامی قەزای ناوەندی سۆران، لیژنەی مۆلیدەکان ئاگادار کرانەوە کە لە کاتی بڕینی کارەبا، کار بە مۆلیدەکان بکەن بۆ ئەوەی هاوڵاتیان بێ بەش نەبن لە کارەبا.
کارەبای سۆران دەشڵێت، دەمانەوێت سوپاسی هاوڵاتیانی بەڕێزمان بکەین کە هەرچەند گەرمایە، بەڵام ئەم چەند رۆژە هاوکاریتان کاری تیمەکانمان خێراتر دەکات بۆ ئەوەی بتوانین لە ماوەیەکی کەمدا کارەبای ٢٤ کاتژمێری لە سنووری ئیدارەی سەربەخۆی سۆران دابین بکەین.