وتەبێژی فەرماندەی هێزە چەكدارەكانی عێراق، ڕایگەیاند، دوای لێكۆڵینەوە لە هێرشە درۆنییەكان بۆ سەر پێگەی بەرگریی ئاسمانیی عێراق، دەركەوتووە كە ئەو درۆنانەی پێگە سەربازییەكانیان بە ئامانج گرتووە، لە دەرەوەی عێراق دروست كراون، بەڵام هەمووی لە یەك سەرچاوە (لایەن) و لە ناوەوەی عێراقەوە ئاڕاستە كراون چونكە هەموویان یەك جۆر بوون، ئەو لایەنەش دەستیشان كراوە كە ئەنجامی داوە و هەماهەنگیی كردووە.
ئاماژەی بەوەش كردووە: ڕێوشوێنی یاسایی بەرانبەر هەموو ئەوانەی تێوەگلاون لەو هێرشانە، دەگیرێتە بەر.
لە كۆتاییدا، ڕایگەیاندووە ئەوە پێشێلكارییەكی ڕوونی سەروەریی عێراقە و ڕێگە بە هیچ لایەن و گرووپێك نادرێ، سەقامگیری تێك بدات.
وەڵام بدەوه