رێبەر ئەحمەد وەزیری ناوخۆی حكوومەتی هەرێمی كوردستان ڕای گەیاند، هێرشە درۆنییەكان كردەوەی تیرۆریستین، هەر لایەنێك لە پشت ئەو كارەوە بێت شەرمەزار دەبێت.
ئەمڕۆ پێنجشەم 17ی تەمووز، رێبەر ئەحمەد وەزیری ناوخۆی حكوومەتی هەرێمی كوردستان رای گەیاند، زۆر ڕوونە كە درۆنەكان لە كوێوە ئاراستە دەكرێن، كە هەمیشە شادەماری ئابووری هەرێمی كوردستان دەكەنە ئامانج.
هەروەك دووپاتی كردەوە كە هێرشە درۆنییەكان بە داخەوە كردەوەی تیرۆریستین، هەر لایەنێك لە پشت ئەو كارەوە بێت شەرمەزار دەبێت.
ئەو لێدوانەی وەزیری ناوخۆی حكوومەتی هەرێمی كوردستان بۆ رۆژنامەنووسان بوو كە داوای كرد حكوومەتی عێراق سنوورێك بۆ ئەو هێرشە درۆنییانە دابنێت و ئەو لایەنانەشی لە پشت ئەو هێرشانەن، ئاشكرا بكرێن و بدرێنە دادگا.
ئەوە لەكاتێكدایە كە ماوەیەكە هێرشی درۆنی پاڵاوگەكانی نەوتی كوردستان دەكەنە ئامانج كە گومان دەكرێت هەر ئەو گرووپە لە یاسا دەرچووانە بن كە لە رابردوودا هێرشیان دەكردە سەر كوردستان.
وەڵام بدەوه