فەرمانگەی پسوولەی خۆراك ئاگاداری دانیشتوانی پارێزگای هەولێر دەكاتەوە بۆ ئەوەی لە بەشەخۆراك بێبەش نەبن پەلە بکەن تەنیا دوو هەفتە ماوە بۆ بەئەلیکترۆنیکردنی پسوولەی خۆراک.
بەڕێوەبەرایەتیی ڕێکخستنی پسوولەی خۆراكی هەولێر، بڵاوی کردەوە: "ئاگاداری دانیشتوانی پارێزگای هەولێر دەكەینەوە، پەلە بکەن تەنیا دوو هەفتە ماوە بۆ بەئەلیکترۆنیکردنی پسوولەی خۆراک، بۆ ئەوەی بێبەش نەبن لەبەشە ئازووقەی مانگانە هەرچی زووە ناوی خۆتان تۆماربکەن لەئەپڵیکەیشنی پسوولەی خۆراک."
بەرێوەبەرایەتییەكە بۆ هاوكاری هاووڵاتییان دوو ژمارەی خستووەتە ڕوو و جەختی كردووەتەوە: "بۆ پەیوەندیکردن بە بەڕێوەبەرایەتیەکەمان بۆ هەر پرسیارو گیروگرفتێک دەتوانن پەیوەندی بەم ژمارە مۆبایلانەوە بکەن
07507431402
07507454821.."
سیامەند قادر نانەكەلی، بەڕێوەبەری ڕێكخستنی پسوولەی خۆراكی هەولێر راگەیاند: "نوێكردنەوەی پسوولەی خۆراك بەردەوامە و پێویستە لەسەر هاووڵاتییان خۆیان تۆمار بکەن و ئێمەش هەموو هاوكاریی و كارئاسانییەكیان بۆ دەكەین."
وەڵام بدەوه