شیرین فوئاد مەعسووم: عێراق بە ناوی مووچەوە دەیەوێ ورەی كورد بڕووخێنێت
”دەیانەوێ هەرێمی كوردستان تەسلیم ببێ و بچێتەوە باوەشی عێراقی عرووبە“
شیرین فوئاد مەعسووم، سیاسەتمەدار، لە پێگەی خۆی لە تۆڕی كۆمەڵایەتیی (فەیسبووك)، ئامانجی ئامانجی حكوومەتی فیدڕاڵیی عێراقی لە نەناردنی مووچەی مووچەخۆرانی هەرێمی كوردستان ئاشكرا كرد.
شیرین فوئاد مەعسووم، بڵاوی كردەوە: ”ئێستە زانیتان مەبەست لە وشەی "کەڕامەت"ی سەرۆک بارزانی و "خۆڕاگری"ی مەسرور بارزانی چیە؟ ئەو چەکدانانەی ئەمڕۆ ڕووی دا لە قەندیل، هەمان هەنگاوە بەغدا لە هەولێر داوای دەکات، ئەویش تەسلیم بوون و چوونەوە ناو باوەشی عێراقی عرووبەیە.“
جەختیشی كردەوە: ”ئەوەی زیاتر لە 70 ساڵە پێشمەرگە و شەهیدان و سەرۆک بارزانی خەباتی بۆ دەکەن، دەسەڵاتدارانی بەغدا بە ناوی مووچە دەیانەوێ ورەی کورد بڕووخێنن و ئامانجە گەورەکەیان لەبیر ببەنەوە کە خەباتکردنە لەپێناو گەلێک و بوون بە خاوەنی دەوڵەت و هەبوونی خاک و وڵات.“
ئەمە لە كاتێكدایە كە ئەمڕۆ زیاتر لە 30 چەكداری پارتی كرێكارانی كوردستان، وەك بەدەمەوەهاتنێك بۆ بانگەوازەكەی عەبدوڵا ئۆجەلانی سەرۆکی زیندانیکراوی حزبەكەیان، بە فەرمی چەكیان دانا و چەكەكانیشیان سووتاند.
وەڵام بدەوه