پله‌كانی گه‌رما به‌رزده‌بنه‌وه‌

به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێم رایگه‌یاند، ئه‌مڕۆ و سبه‌ینێ پله‌كانی گه‌رما رو له‌به‌رزبونه‌وه‌ ده‌كه‌ن، به‌جۆرێك له‌ناوچه‌كانی گه‌رمیان بۆ سه‌روی 50 پله‌ی سیلیزی به‌رزده‌بنه‌وه‌.

به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی له‌ڕاگه‌یه‌ندراوێكدا بڵاویكرده‌وه‌، ئەمڕۆ  هەینى ئاسمان  ساماڵ و پەڵە هەور دەبێت، لە ناوچەکانى باکور نیمچە هەور دەبێت، پلەکانی گەرما به‌ڕێژه‌ی 2 پله‌ به‌راورد به‌تۆماركراوه‌كانی دوێنێ به‌رزده‌بنه‌وه‌
ئاماژه‌ی به‌وه‌شكردوه‌، سبەى شەممە  ئاسمان ساماڵ و گەرم دەبێت، جارێكی دیكه‌ش پلەکانی گەرما به‌ڕێژه‌ی 1-2 پله‌ی سیلیزی به‌رزتر ده‌بنه‌وه‌ بەراورد بە تۆمارکراوەکانی ئەمرۆ.

هەولێر :  46 پلەی سیلیزی  
سلێمانی : 44 پلەی سیلیزی
دهۆک :  45  پلەی سیلیزی
کەرکوک : 48 پلەی سیلیزی  
زاخۆ  :  46 پلەی سیلیزی
هەڵەبجە : 43 پلەی سیلیزی
سۆران :  43 پلەی سیلیزی
حاجی ئۆمەران : 30 پلەی سیلیزی
گەرمیان :50  پلەی سیلیزی