مووچەی هێزەکانی پێشمەرگە دابەشدەکرێت

بەڕێوەبەرایەتی گشتی ژمێریاری سەربازی لە وەزارەتی پێشمەرگە، ئەفسەر و پلەدار و پێشمەرگەکان ئاگادار دەکاتەوە کە بەشدارن لە پڕۆژەی هەژماری من، بەهۆی پشووی فەرمی لە بانکی ناوەندیی عێراق، ڕۆژی یەکشەممە هاوکاریی هاوپەیمانان ناچێتە سەر هەژمارەکانیان، ڕۆژی دووشەممە دەتوانن سەردانی ATMـەکان بکەن بۆ وەرگرتنی هاوکارییەکە.

 لە ڕاگەیێنراوێکدا، بەڕێوەبەرایەتی گشتی ژمێریاری سەربازی لە وەزارەتی پێشمەرگە ڕایگەیاند: بەهۆی ئەوەی رۆژی یەکشەممە 2025-07-06، لە بانکی ناوەندیی عێراق پشووی فەرمییە، دابەشکردنی هاوکاریی دارایی ئەفسەر و پلەدار و پێشمەرگەکان کە لە پڕۆژەی هەژماری من بەشدارن، بۆ رۆژی دووشەممە 2025-07-07 دواخراوە.

 ڕاگەیێنراوەکە دەڵێت، رۆژی دووشەممە رێکەوتی 2025-07-07، بڕی هاوکاریی هاوپەیمانان دەخرێتە سەر هەژمارەکانیان و دەتوانن سەردانی ئامێرەکانی راکێشانی پارە (ATM) بکەن بۆ وەرگرتنی هاوکاری هاوپەیمانان.