ئەحمەدی حاجی ڕەشید فەرمانی گرتنی بۆ دەرچوو
دادگای لێكۆڵینەوەی هەولێر، فەرمانی دەستگیركردن و درانە دادگای بۆ ئەحمەدی حاجی ڕەشید، ئەندامی مەكتەبی سیاسیی كۆمەڵی دادگەری دەركرد.
دادگای لێكۆڵینەوەی هەولێر، لە سەرۆكایەتی دادگای تێهەڵچوونەوەی ناوچەی هەولێر، یاداشتێكی دەستگیركردنی بۆ گشت ئەندامانی پۆلیس دەركردووە و تێیدا هاتووە: لەسەرتانە تۆمەتبار (ئەحمەد حەمە ڕەشید ئەحمەد)، ئەندامی مەكتەبی سیاسیی كۆمەڵی دادگەری بە ماددەی یاسایی 226 لە یاسای سزاكانی عێراقی بگرن و بدرێتە دادگا.
لە ماددەی 226 لەیاسای سزادانی عێراقی هاتووە، هەر كەسێك بەشێوەیەكی ئاشكرا سوكایەتی بە ئەنجومەنی گەل، حكوومەت، دادگا و هێزە چەكدارەكان یان هەر دەستەیەكی نیزامی و دەسەڵاتێكی گشتی، بەرژەوەندی یان فەرمانگەیەكی فەرمی و نیمچە فەرمی بكات، سزا دەدرێت بە زیندانیكردن بۆ ماوەیەك كە لە حەوت ساڵ زیاتر نەبێت یان سزادانی دارایی.
وەڵام بدەوه