سبەی ئەگەری تاوە باران دەبێت لە ناوچە شاخاویەکاندا

زیادبوونی ئەگەرەکانی بارانبارین و دابەزینی بەرچاوی پلەکانی گەرما 
سبەی پێنجشەمە ٢٢-٩-٢٠٢٢ باری ناسەقامگیری کەشوھەوا لەسەر ناوچەکانمان بەردەوامی ئەبێت و ئاسمانی ھەرێم بە زۆری بە نیمچە ھەور بۆ ھەوری تەواو ئەمێنێتەوە لەگەڵ چربوونەوەی ھەورەکان بۆ ھەورە بروسکە و بارانی پچر پچر لە کاتە جیاجیاکاندا لەھەندێ ناوچەش بەدیاری نەکراوی ئەگەری تاوە بارانی بەخوڕ ئەبێت بەتایبەت لەسنوری ناوچە شاخاویەکاندا ، وە نزمبوونەوەی پلەکانی گەرما بەرێژەی ٣ تا ٤ پلەی سیلیزی بەڕاورد بە ئەمڕۆ کەش فێنکتر ئەبێت و بەم شێوەیە ئەبێت لەسەنتەری پارێزگاکانی ھەرێم ( سلێمانی ٣٢ بە ٢٢ ، ھەولێر ٣٥ بە ٢٥ پلە ، دھۆک ٣٤ بە ٢٣ پلە ، ھەڵەبجە ٣٥ بە ٢٦ پلە ، کەرکوک ٣٦ بە ٢٨ پلە ) لەناوچەکانی گەرمیان ٣٧ بە ٢٧ پلە ئەبێت ، لە سنوری ئیدارەی راپەرین ٣٢ بە ٢٤ پلە ئەبێت ، لە سنوری ئیدارەی سۆران ٣١ بە ٢٢ پلە ئەبێت ، خێرایی با کاتەکانی نیوەرۆ بۆ ئێوارە مامناوەند بۆ نیمچە بەھێز چالاک ئەبێت بەخێرای ٢٠ تا ٥٠کم لەکاتژمێرێکدا لەگەڵ بەردەوامی خۆڵبارین بەرێژەیەکی کەم بۆ مامناوەند.
وەک لە راپۆرتی پێشوودا باسمان کرد ئەم ناجێگیریە لەکەشوھەوای ناوچەکانمان تا بەرەبەیانی رۆژی ھەینی ٢٣-٩-٢٠٢٢ بەردەوامی ئەبێت و پلەکانی گەرما بەنزمی ئەمێنێتەوە  ...الله اعلم.. 
چوارشەمە ٢١-٩-٢٠٢٢ کاتژمێر ٩:٥١ پێش نیوەرۆ
#ئاراس_جبار