ئێوارەى ئەمڕۆ دووشەممە 2022.9.19، بەمەبەستى لەنزیکەوە ئاگادار بوون لە چۆنیەتی بەڕێوەچوونی کارەکانی بەشی دووەمی شەقامی 150 مەتری، ساسان عەونى، وەزیرى شارەوانى و گەشت و گوزار و ئومێد خۆشناو، پارێزگارى هەولێر و مەسعود کاڕەش، جێگرى پارێزگار و عەبدولواحید ئەحمەد، سەرۆکی شارەوانی هەولێر و بەڕێوەبەرى شارەوانەنیەکان، پڕۆژەى دروستکردنى بەشی دووەمی شەقامی 150 مەتری خێراى هەولێریان بەسەرکردەوە.
کارکردن لە بەشی دووەمی شەقامی 150 مەتری هەولێر بەردەوامە و تەواوبوونی کارەکانی شەقامەکە گەیشتووەتە 93٪ و وابڕیارە لە کۆتایی ئەمساڵیش ئەم بەشەی پڕۆژەکە بە رووی شۆفێران و هاوڵاتیان بکرێتەوە، دواى بەسەرکردنەوەى پڕۆژەکە، ئومێد خۆشناو، پارێزگارى هەولێر وێڕاى دەستخۆشی لە سەرپەرشتیار و ئەندازیار و کرێکار و تیمەکانى ترى پڕۆژەکە کە دڵسۆزانە کارەکانیان جێبەجێ دەکەن، هیوای خواست لەماوەی دیاری کراودا کارەکانی بەشی دووەمی شەقامى 150مەترى خێراى هەولێر کۆتایی بێت.
بەشی دووەمی شەقامی 150 مەتری بە درێژی 7٫6کم کە دەکەوێتە نێوان شەقامی سەرەکی شەقڵاوە تاکو شەقامی کۆیە و لە ئێستاشدا 95٪ کارەکانی تەواو کراوە، کارکردن لەوبەشەى شەقامەکە بەردەوامە و وابڕیارە لە کۆتایی ئەمساڵ کارەکانی ئەوبەشەى پڕۆژەکە بەکۆتا بێت و بەڕووی شۆفێران و هاوڵاتیاندا بکرێتەوە.
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه