بەراورد بە دوێنێ، بەهای زێڕ لە بازاڕەكانی دنیادا رووی لە بەرزبوونەوە كردووە، ئەمەش كاریگەریی لەسەر نرخی زێڕ لە بازاڕەكانی كوردستان دروست كرد.
ئەمڕۆ دووشەم 21ـی نیسان، شاخەوان مەمەد لە زێڕنگریی ئیمان، بە "وشە"ـی راگەیاند، نرخی زێڕ لە بازاڕەكانی هەرێمی كوردستان بەرز بووەتەوە، ئەوەش بەپێی گۆڕانكاری لە نرخی زێڕ لە بۆرسەی دنیا.
باسی لەوەش كرد، نرخی یەك ئۆنسە زێڕ لە بازاڕەكانی دنیادا بە سێ هەزار و 386 دۆلار مامەڵەی پێوە كرا، لە كاتێكدا هەفتەی رابردوو نرخی ئۆنسەیەك زێڕ گەیشتە سێ هەزار و 160 دۆلار.
نرخی زێڕ بەراورد بە ساڵانی رابردوو بەرزبوونەوەیەكی بەرچاوی بەخۆیەوە بینیوە، ئێستە نرخی زێڕ لە بازاڕەكانی هەرێمی كوردستان بەمشێوەیەیە:
مسقاڵێك زێڕی عەیار 18 بە 597 هەزار دینارە
مسقاڵێك زێڕی عەیار 21 بە 696 هەزار دینارە
مسقاڵێك زێڕی عەیار 24 بە 795 هەزار دینارە
وەڵام بدەوه