ئەمڕۆ سێشەممە 15-4-2025، بە ئامادەبوونى ساسان عەونى، وەزیرى شارەوانى و گەشتوگوزار و ئومێد خۆشناو، پارێزگارى هەولێر دووەمین ڕۆژی کۆنفرانسی سەرۆکایەتیی شارەوانیی هەولێر بەڕێوەچوو.
لە دووەمین ڕۆژی کۆنفرانسەکەدا سەرۆکى ئەنجومەنى پارێزگاى هەولێر و جێگرى پارێزگار و سەرۆکی شارەوانی هەولێر و بەرێوەبەرى گشتیى ئاو و ئاوەڕۆ و ژمارەیەکى تر لە ڕاوێژکارانى وەزارەت و نوێنەری وەزارەتەکان و مامۆستایانى زانکۆ و ئەندازیاران و پسپۆڕان، ئامادە بوون .
کۆنفرانسى سەرۆکایەتى شارەوانى هەولێر بە هەماهەنگى زانکۆى سەڵاحەدین و زانکۆی تیشک لە ژێر ناونیشانى " لەپێناو پەرەپیدانى بەردەوام بۆ شارى هەولێر " ڕێکخرابوو.
لە ڕێورەسمێکدا، لەلایەن وەزیرى شارەوانى و گەشتوگوزار و پارێزگارى هەولێر، لەپاى هەماهەنگى و هاوکاریان لەگەڵ سەرۆکایەتى شارەوانى هەولێر، ڕێزلێنان پێشکەش بە ژمارەیەک لە بەشداربووانى کۆنفرانسەکە کرا.
جێگەى باسە، یەکەمین کۆنفرانسى سەرۆکایەتى شارەوانى هەولێر، چەندین تەوەری لەخۆگرت لەوانە، پڕۆژەکانى ڕیگاوبان و ڕیکخستنەوەى هاتوچۆ، نەخش و زەخرەفەى کوردى، وزە نوێبووەکان و پیسبوونى هەوا، ڕووبەرى سەوزایی و مۆڵەت و ڕووپۆشى باڵەخانەکان، خۆڵ و خاشاک، کارگێڕى و کەمکردنەوەى ڕۆتین، ڕێکخستنەوەى تابلۆکان و لافاو، ڕوودان و ڕێگەگرتن لە ئاگرکەوتنەوە، سیستەمى ئاوەڕۆ کە لەلایەن پسپۆڕان و شارەزایانەوە گفتوگۆى زانستى لەبارەوە کرا.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه