پارێزگاری هەولێر ئومێد خۆشناو سەردانی باوکی ئاڤێستا دەکات

بۆ لەنزیکەوە ئاگاداربوون لە پرۆسەی کاری تیمەکانی بەرگری شارستانی لە هەوڵەکانی گەڕان بە دوای تەرمی ئاڤێستا سەید یوسف، سەر لە بەیانی ئەمرۆ 12.4.2025 ئومێد خۆشناو پارێزگاری هەولێر، کەس و کارو ئەو تیمانەی لە شوێنی رووداوەکە لە نزیک رووباری تەنگانور سەرقاڵن بەسەرکردەوە…
پارێزگاری هەولێر بە پەرۆشەوە گوێبیستی باوکی ئاڤێستای بوو، دڵنەوایی کردو جەختی لەسەر فەرمان و راسپاردەکانئ سەرۆک بارزانی کردەوە کە هەموو هەوڵێک بۆ دۆزینەوەی ئاڤێستا بخەنە گەرو لە هەوڵەکانیان ماندوو نەبن و بەردەوام  بن، هاوکات پارێزگاری هەولێر، تیمەکان بەدوا گەرانی بەسەر کردەوەو تاکیدی لەبەردەوامی کارکردن تا دۆزینەوەی تەرمی ئاڤێستا کردەوە، کە هەموو شەقامی کوردی نیگەران کردەوەو خەفەتباری گەیاندە کەس و کاری…

جێگەی وەبیرهێنانەوەیە پێنجشەممەی رابردوو مەلا مستەفا مەسعود بارزانی، لە پەیوەندییەکی تەلەفۆنیدا لەگەڵ پارێزگاری هەولێر، وێڕای سوپاس و دەست خۆشی لە سەرجەم تیمەکانی حکومەتی هەرێمی کوردستان کە ماوەی چەند ڕۆژێکە بەردوامن لە هەوڵدان بۆ دۆزینەوەی تەرمی ناوبراو، بۆ بەجێگەیاندنی ڕاسپاردە و فەرمانی سەرۆک بارزانی، لە پەیوەندییە تەلەفۆنیەکەدا بەڕێزیان، پارێزگاری هەولێری ڕاسپارد کە تیمەکانی بەرگری شارستانی و تیمی فڕۆکەوانی فریاگوزاری شاری هەولێریش، لە سنووری (بێخمە تا قەزای خەبات) بخرێنە ئەرک و هەوڵەکان چڕتربکرێنەوە بۆ دۆزینەوەی تەرمی ئاڤێستا یوسف.

شایەنی وەبیرهێنانەوەیە ئاڤێستا یوسف بەرزنجی، تەمەن 27 ساڵ، دانیشتووی هەولێر، رۆژی 5ـی نیسانی 2025 کەوتە نێو رووباری تەنگاتوور لە قەزای مێرگەسۆر و تاوەکو ئێستا بێسەروشوێنە.