سەرۆك بارزانی پاڵپشتیی خۆی بۆ یانەی دهۆك دووپات دەكاتەوە و دەڵێت، هیوای سەركەوتن بۆ یانەی دهۆك دەخوازم.
ئەمڕۆ سێشەم هەشتی نیسان، سەرۆك بارزانی پێوەندییەكی تەلەفۆنی لەگەڵ د. عەلی تەتەر پارێزگاری دهۆك ئەنجام دا كە بۆ هاندانی یانەی دهۆك لە جامی كەنداوی یانەكان لەو وڵاتەیە، پاڵپشتی خۆی بۆ یانەی دهۆك دووپات كردەوە.
سەرۆك بارزانی بە پارێزگاری دهۆكی راگەیاند، لە نزیكەوە چاودێری و بەدواداچوون بۆ یاریی نێوان دهۆك و قادسییە دەكات و هیوای سەركەوتن بۆ یانەی دهۆك دەخوازێت.
سەرۆك بارزانی پیرۆزبایی ئەو سەركەوتنە گەورانەی كرد كە یانەی دهۆك بەدەستی هێناون و توانیویەتی بگاتە یاریی كۆتایی جامی كەنداوی یانەكان.
لای خۆشیانەوە یاریزانانی یانەی دهۆك كە لە كاتی پێوەندییە تەلەفۆنییەكەی سەرۆك بارزانی و د. عەلی تەتەر ئامادە بوون، بە چەپڵەڕێزان پێشوازییان لەو پێوەندییە تەلەفۆنییە كرد و خۆشحاڵیی خۆیان دەربڕی و دووپاتیان كردەوە، ئەو پێوەندییە تەلەفۆنییەی سەرۆك بارزانی دەبێتە گەورەترین پاڵپشتیكار و هاندەر بۆ یانەی دهۆك.
وەڵام بدەوه