بەرگریی شارستانی سۆران لە ئاگەدارییەكدا رای گەیاند كە شەپۆلی بارانبارین و تەرزە كۆتایی نەهاتووە و ئەگەری بەردەوامیشی هەیە، بۆ زیانمەندنەبوونی هاووڵاتییانیش چەند رێنوێنییەكی بڵاو كردەوە كە گرینگترینیان بریتیە لە بردنە ژوورەوەی ئۆتۆمبێلە بۆ گەراج یا داپۆشینییەتی بە كەلوپەلی پێویست.
ئێوارەی ئەمڕۆ شەممە پێنجی نیسانی 2025، لە ئاگەدارییەكی بەڕێوەبەرایەتی بەرگری شارستانی سۆراندا هاتووە ئاگاداری هاووڵاتیانی سنووری ئیدارەی سەربەخۆی سۆران دەکەینەوە شەپۆلی بارانبارین و تەرزە کۆتای نەهاتووە و ئەگەریش هەیە بەردەوام بێت بەتایبەتی لە سنووری ئیدارەی سەربەخۆی سۆران.
لە بەشێكی ئاگەدارییەكە هاتووە، تەواوی هێزەکانمان له ئامادهباشیدان بەمەبەستی رووبەرووبوونەوەی هەر رووداوێکی له ناکاو.
بەرگری شارستانی سۆران هاوكات رێنوێنی داوە "بەپێویستی دەزانین هاووڵاتییان کەلوپەلەکانیان و ڕۆشنایی ماڵەکانیان داپۆشن، هاوكات ئاماژەیشی كردووە كە هەر خاوەن ئۆتۆمبێلێک، ئۆتۆمبێلەکەی بباتە گەراج ئەگەر هەیبێت یاخود دایپۆشێت بە کەلوپەلی پێویست، بۆئەوی دووچاری زیانی ماددی نەبن.
وەڵام بدەوه