بریکاری وەزارەتی پەروەردەی حکوومەتی ھەرێمی کوردستان گوتی، بۆ ئەمساڵی خوێندن لە ھەرێمی کوردستان تەواوی ئامادەکاریەکان کراون و ھیچ کێشەیەکمان نیە و لەوادەی خۆیدا پرۆسەی خوێندن بۆ ساڵی نوێ دەست پێدەکات بەبەشداری ملیۆنێک و ٧٥٠ ھەزار قوتابی و نزیکەی ١٥٠ ھەزار مامۆستا و یەکەم رۆژی دەستپێکردنی پرۆسەی خوێندنی ئەمساڵ لە ناوەڕاستی ئەم ھەفتەیە دەبێت.
بریکاری وەزارەتی پەروەردەی حکوومەتی ھەرێمی کوردستان، سەیوان عەلی، بۆ ماڵپەڕی فەرمیی پارتی دیموکراتی کوردستان گوتی: "ئامادەکاری تەواو بۆ دەستپێکردنی ساڵی نوێی خوێندن کراوە و لە ١ی٩ سەرجەم مامۆستایان دەست بەکاربوون و ھەموو قوتابخانەکان ئامادەن و ئەو شوێنانەی پێویستیان بەنۆژەنکردنەوە ھەبووە کراوە و پەرتووکی نوێ چاپکراوە و ئەوەی رێنماییە دەرچووە، بۆیە ئامادەکاریەکان زۆر باشکراون، کە ١٤ی ئەم مانگە پرۆسەی خوێندن لەسەرجەم قوتابخانەکان دەستپێدەکات و ئەم چەند رۆژە دیاریکراوە کە مامۆستایان و قوتابیان خۆیان رێکبێخن و ھەرچی پێویستە ئەنجامبدەن بۆ ئەوەی بە باشترین شێوە پرۆسەی خوێندن دەستپێبکەن".
سەیوان عەلی گوتیشی: "ئەمساڵیش نزیکەی ملیۆنێک و ٧٥٠ ھەزار قوتابیمان ھەبوو، لەگەڵ مامۆستایانیش بەوانەبێژانەوە دەگاتە نزیکەی ١٥٠ ھەزار مامۆستا، کە ئەمساڵ دەوام دەکەن و وانە بە قوتابیان دەڵێنەوە، بۆیە ئەمساڵ پێشوەختە ئامادەکاری باش بۆ دەستپێکردنی ساڵی نوێی خوێندن کراوە و ھیچ گرفتێکمان لەبەردەم نیە و ھیوادارین ساڵێک بێت کە سەرجەم قوتابیان تێیدا سەرکەوتووبن
وەڵام بدەوه