شاڵاو هیدایەت، شارەزای بواری كەشناسی ڕایگەیاند، بەپێی پێشبینییەكانمان، لە سبەی شەوەوە لەئەنجامی هاتنی شێیەكی باشی مەداری ناوچەی كەمەرەیی كەبەسەر دەریای سوردا دێت و بڕێك شێی ئەو دەریایەش لەگەڵ خۆی دێنێت، هەرێمی كوردستان و ناوچەكە دەكەوێتە ژێر كاریگەری حاڵەتێكی بەهێزی ناجێگیری كەشەوە و بەهۆیەوە بڕێكی باش باران و تەرزە دەبارێت.
دەشڵێت، بەهۆی ئەم شەپۆلەوە لە ناوچەكانی سنوری سلێمانی هەڵەبجە ئیدارەی ڕاپەڕین بڕێكی زۆر باش باران دەبارێت و هاوكات لە سنوری پارێزگای هەولێر و ئیدارەی گەرمیان و سنوری كەركوكیش كاریگەری زیاتر دەبێت و ئەگەری كۆبوونەوەی ئاو و دروستبوونی لافاو هەیە.
ئاماژە بەوەشدەکات، ئەو شەپۆلی باران بارینە، خۆی دەبینیێتەوە لەتاوە بارانی بەخوڕو هەورە بروسكەو زیاد بوونی خێرایی باو وە تەرزە لەهەندێ ناوچە له مەودای حاڵەتەكەدا هەوری كۆمۆلۆنیمبۆس و وە سوپەرسێڵ لەبەشێك ناوچە دروست دەبێت كەهەڵگری بارانی باشن بەتایبەت سوپەرسێڵ كەپڕ باراناویترین جۆری هەورە، هاوكات كاریگەری ئەم شەپۆلە تا ڕۆژی یەك شەممە دەمێنێتەوە.
وەڵام بدەوه