سەرۆکی شارەوانی هەولێر بەدواداچوون بۆ ژمارەیەک پارک و باخچەی گەڕەکەکانی شاری هەولێر دەکات

سەرۆکی شارەوانی هەولێر بەمەبەستی ڕێکخستنەوەو بایەخدانی زیاتر،" بەدواداچوون بۆ ژمارەیەک پارک و باخچەی گەڕەکەکانی شاری هەولێر دەکات و
لە نزێکەوە گوێبیستی داخوازیەکانی هاوڵاتیان دەبێت

سەر لەبەیانی ئەمڕۆ پێنجشەممە 2025/4/3،
ئەندازیار کارزان عەبدولهادی سەرۆکی شارەوانی هەولێر بە یاوەری بەڕێوەبەری ئەندازەی پارکەکان و سەرپەرشتیاری پلان و هونەری، ژمارەیەک لە پارک و باخچەکانی
لە ناو گەڕەکەکانی شاری هەولێر بەسەرکردەوە .

ئامانجی بەسەرکردنەوەکەی  بەڕێز سەرۆکی شارەوانی، بەدواداچوون و بایەخدانی زیاتر بوو بە پارک و باخچەی
ناو گەڕەکەکانی هەولێر و فراوانکردنی ڕێژەیی سەوزایی و ڕێکخستنەوەو نۆژەنکردنەوەی هەموو ئەو ،پێداویستیە خزمەتگوزاریانە بوو کە ڕۆژانە هاوڵاتیان و خێزانەکان سوودی لێ وەردەگرن و کاتەکانیان تێدا بەسەر دەبەن ...
لەو نێوەندەشدا سەرۆکی شارەوانی لە نزیکەوە گوێبیستی  پێشنیارو داخوازیەکانی ژمارەیەک هاوڵاتیانی چەند گەڕەکێک بوو،  بەڵێنی پێدان داواکاریەکانیان بەزووترین کات جێبەجێ بکات .

هاوکات ئەم مەبەستەش سەرۆکی شارەوانی هەولێر، بەڕێوەبەری ئەندازەی پارکەکانی ڕاسپارد کە هەرچی زووە کاری چاککردنەوەو نۆژەنکردنەوە بۆ ئەم پارکانە ئەنجام بدرێت و سیمایەکی جوانتر ببەخشێت بە تەواوی پارک و باخچەکانی شاری هەولێری خۆشەویست و فەراهەمکردن و ڕەخساندنی ژینگەیەکی تەندروست بۆ دانیشتوانی گەڕەکەکانی شاری هەولێر .

ڕاگەیاندنی سەرۆکایەتی شارەوانی هەولێر