بۆ ئامادەکاریی هاتنی وەزی هاوینی ئەمساڵ، کۆمپانیای دانا غاز، پرۆسەی سازدانەوە و چاکسازی لە کێڵگەی کۆڕمۆر دەکات و سێ هەفتە دەخایەنێت.
هەردوو وەزارەتی کارەبا و وەزارەتی سامانە سروشتییەکان، لە ڕاگەیاندراوێکی هاوبەشدا بڵاویان کردەوە: "بە مەبەستی ئامادەکاری بۆ هاتنی وەزی هاوینی ئەمساڵ، کۆمپانیای دانا غاز هەڵدەستێت بە ئەنجامدانی پڕۆسەی سازدانەوە و چاکسازی لە کێڵگەی کۆڕمۆر. ئەم پرۆسەیە لە کاتژمێر 12ـی ئەمشەوەوە دەست پێدەکات و سێ هەفتە دەخایەنێت."
ئاماژە بەوەش دراوە، هەریەک لە وەزارەتی کارەبا، وەزارەتی سامانە سروشتییەکان و کۆمپانیای دانا غاز، هەماهەنگیی نزیکیان دەبێت بۆ ئەوەی پڕۆسەکە بە شێوەیەکی سەرکەوتوو ئەنجام بدرێت.
جەختیان کردووە، چاوەڕوان دەکرێت لە ڕێگەی ئەنجامدانی ئەم پڕۆسەیە، ئاستی خزمەتگوزاریی کارەبا لە وەرزی هاویندا بە شێوەیەکی بەرچاو بەرز بێتەوە.
وەڵام بدەوه