دەربارەی پلەبەرزكردنەوەی ئەفسەرانی فەرماندەیی هێزەكانی 70، وەزارەتی پێشمەرگە بە یەك لیست ساڵانە لە مانگی ئادار و ئەیلوولدا سەرجەم خشتەكانی پلەبەرزكردنەوە ئامادە دەكات و ئاڕاستەی ئەنجوومەنی وەزیرانی دەكات. (ساڵانی پێشوو پلەبەرزكردنەوەی ئەفسەران بۆ ماوەی چەند ساڵ راگیرابوو و ئەفسەرانی هێزی پێشمەرگە بێبەشبوون لە مافی پلەبەرزكردنەوەیان) بە هەوڵی تیمی باڵای وەزارەت توانراوە كاری جددی لەسەر خشتەكانی پلەبەرزكردنەوەی ئەفسەران بكرێت بە كۆی گشتیی لە ساڵی 2019ـەوە تا ئەمڕۆ زیاتر لە 20 خشتەی پلەبەرزكردنەوەی ئەفسەران كە لەوەوپێش كەڵەكەببون و نەكرابوون لە وەزارەت، توانراوە پلەكانیان بەرزبكرێتەوە و پلەی شایستەی خۆیان وەربگرن. لە ئێستاشدا چەند خشتەیەكی پلەبەرزكردنەوەی ئەفسەران رەوانەی ئەنجوومەنی وەزیران كراوە و كارەكانیان تەواو بووە، چاوەڕوانین بەم نزیكانە بگەڕێنەوە وەزارەتی پێشمەرگە. بەم هەنگاوە بەردەوامانە توانیومانە دۆخی پلەبەرزكردنەوەی ئەفسەران لە وەزارەتی پێشمەرگە بخەینەوە سەر راستەڕێی یاسایی و ئاسایی خۆی. لە وەزارەتی پێشمەرگە بۆ پلەبەرزكردنەوەی ئەفسەران كۆمەڵێك بنەما و مەرج و رێنمایمان داناوە كە لەو چوارچێوەیەدا ئەفسەران پلەیان بەرزدەبێتەوە وەكو تر هیچ ئەفسەرێك لە دەرەوەی رێنمایی و مەرجە یاساییەكان و بەبێ پایە، شایستەی پلەبەرزكردنەوەی جێبەجێ ناكرێت. بەمەش كۆتایی بە پلەبەرزكردنەوەی بەلێشاو و نایاسایی و ناسەربازیی هاتووە لە وەزارەتی پێشمەرگەدا.
2- دەربارەی راگرتنی نووسراوەكانی هێزەكانی 70 لە ناو بەشە كارگێڕییەكانی وەزارەتی پێشمەرگە، رایدەگەیەنین ئەم بابەتە دوورە لەڕاستی نووسراوەكانی هێزەكانی 70 كاری یاسایی خۆی لەسەردەكرێت هەر نووسراوێكیان هەبێت لە چوارچێوەی یاسا و رێنماییەكاندا جێبەجێ دەكرێت و كراو
3- دەربارەی جیاوازی لە پێدانی ئازووقە ۆ فیرقەی یەك و دوو لێرەوە رایدەگەیەنین؛ هیچ جیاكاریەكی بنەڕەتی لە وەزارەتی پێشمەرگە بوونی نییە، هێزی پێشمەرگەی كوردستان لە سەرجەم ماف و شایستەكانیان یەكسانن و بەبێ هیچ جیاوازییەك ئەوەی لەبەردەستی وەزارەتی پێشمەرگەدا بێت بەسەر هەموو یەكە سەربازییەكانی وەزارەتی پێشمەرگەدا دابەشكراوە.
4- بەڕێز وەزیری پێشمەرگە، پارێزەری ماف و شایستەكانی هێزی پێشمەرگەی كوردستانە و جێبەجێكارێكی سەرسەختی پرۆسەی چاكسازی و یەكخستنەوە و رێكخستنەوەی هێزی پێشمەرگەی كوردستانە لە چوارچێوەی وەزارەتی پێشمەرگەدا، لەگەڵ دەستبەكاربوونی هەتاكو ئەمڕۆ بەردەوام سەرپەرشتی پرۆسەی چاكسازی و هەنگاوەكانی یەكخستنەوەی پێشمەرگە دەكات، پێداگرە و ویستی جددیی و ئیرادەیەكی نیشتیمانی بەهێزی هەیە بۆ سەرخستنی پرۆسەی چاكسازی و دامەزراندنی ژێرخانی سەربازی هێزی پێشمەرگەی كوردستان و بنیاتنانی ناوچەكانی سەركردایەتی و فیرقەكان لە چوارچێوەی وەزارەتی پێشمەرگەدا. بە چادێری و بەدواداچوونی بەردەوامی بەرێز وەزیری پێشمەرگە توانراوە پرۆسەی چاكسازی قۆناغی زۆرباش ببڕێت و ببێت بە بنەما و بەرنامەی كاركردن لە وەزارەتی پێشمەرگە و یەكخستنەوە و رێكخستنەوەی هێزی پێشمەرگە ببێتە واقع و دەرئەنجامی زۆرباش بەدەست بهێنرێت.
ئێستا وەزارەتی پێشمەرگە لە قۆناخێكی بەهێز و سەركەوتوودایە وەك یەك تیمی پێكەوەیی كاردەكەین بۆ گەیشتن بە ئامانجە باڵاكانی هێزی پێشمەرگەی كوردستان و بنیاتنانی سوپایەكی یەكگرتووی كوردستانی. پێویستیشمان بە پشتیوانی و پاڵپشتی هەمووان هەیە و دەبێت هاوكارمان بن لەو ئەركە سەختەی پێمان سپێردراوە نەك سەنگەری دژایەتیمان لێ بگرن.
نووسینگەی رۆژنامەوانی وەزیری پێشمەرگە
وەڵام بدەوه