ئەنجوومەنی وەزیرانی هەرێمی كوردستان، بە سەرپەرشتیی مەسروور بارزانی سەرۆك وەزیران و ئامادەبوونی قوباد تاڵەبانی جێگری سەرۆك وەزیران كۆ دەبێتەوە، یەكێك لە تەوەرەكانی كۆبوونەوەكە، درێژكردنەوەی ماوەی لێخۆشبوون لە سزاكانی هاتوچۆ بوو.
بەگوێرەی كارنامەی كۆبوونەوەی ئەمڕۆی ئەنجوومەنی وەزیران، بڕگەی یەكەم لەلایەن ڕێبەر ئەحمەد وەزیری ناوخۆ، پێشنیازی وەزارەتەكەی بۆ درێژەدان بە كاركردن بە بڕیاری پێشووی ئەنجوومەنی وەزیران، تایبەت بە داشكاندنی ڕێژەی 20% لە سزای سەرپێچی هاتوچۆ بۆ شەش مانگی تر پێشكەش دەكرێت، بۆ ئەوەی جێبەجێكردنی درێژەپێدانی بڕیارەكە لە 01-01-2025 تا 01-06-2025 بەردەوام بێت.
سەرچاوەیەك لە ئەنجوومەنی وەزیران رای گەیاند، لێخۆشبوونی 20٪ـی سەرپێچیی هاتوچۆ تا 01-06-2025 درێژ كرایەوە
لە ماوەی رابردوودا هاووڵاتییان دڵخۆشیی خۆیان دەربڕی بەو بڕیارەی حكوومەت و ئەو لێخۆشبوونەیان بە گرنگ زانی.
وەڵام بدەوه