سەرۆكی ئەنجوومەنی نیشتمانیی كوردی سووریا رای دەگەیەنێت، كۆبوونەوەیەكی گرنگ و تایبەت لەنێوان ئەنەكەسە و پەیەدە لە رۆژئاوای كوردستان بەڕێوەچووە و كۆبوونەوەكە كۆتایی هاتووە و دڵخۆشكەربووە، "رێككەوتن" دروستبووە.
ئەمڕۆ سێشەم 18ی ئادار، جدعان عەلی سەرۆكی نوێنەرایەتی ئەنجوومەنی نیشتمانی كوردی سووریا لە هەرێمی كوردستان، بە راگەیاند، كۆبوونەوەكەی ئەنەكەسە و پەیەدە گرنگ و تایبەت بووە لەسەر پرسی كورد لە سووریا و تەوەرەكانی كۆوبونەوەكە تەنیا دۆزی كورد بووە و باسی شتی تر لە دەرەوەی كورد نەكراوە.
روونی كردەوە، ئەو كۆبوونەوەیە زۆر باش و دڵخۆشكەر بووە و رێككەوتن هەبووە، "بەڵام چەند رۆژی داهاتوو بە وردی هەموو شتێك ئاشكرا دەكەین."
ئەو باسی لەوە كرد، ئەنەكەسە و پەیەدە كۆبوونەوەكە بە ئەرێنی باسكردووە، ئەوەی پێوەندی بە كورد و داهاتووی كورد بێت لە سووریا قسەی لەسەر كراوە و هەردوولا كۆكبوون لەسەر مافەكانی كورد لە داهاتووی سووریا و رێككەوتن دروستبووە لەنێوان پەیەدە و ئەنەكەسە، ئەم رێككەوتنەش كاریگەری گەورەی دەبێت لەسەر دۆزی كورد لە سووریا.
وەڵام بدەوه