كۆمەڵە زانایەك رایان گەیاند كە گەیشتوونەتە چەند بەڵگەیەك دووپاتی دەكەنەوە كە پاشماوەی كەشتیی پێغەمبەر نووحیان دۆزیوەتەوە، ئەو كەشتییەی پێش پێنج هەزار ساڵ مرۆڤایەتی لە زریانێكی گەورە رزگار كرد و لە قورئان و كتێبە ئاسمانییەكانیتر باسی كراوە.
بەپێی ئەو زانیارییانەی رۆژنامەی "دەیلی میڵ"ی بەریتانی باسی كردووە، تیمێكی توێژەرانی نێودەوڵەتی گەیشتنە ئەو ئەنجامە، كاتێك پاشماوەی كەشتییەكەیان لە ناوچەیەكی دوورەدەست لە توركیا دۆزییەوە، بەپێی رۆژنامەكە كار بۆ ئەوە دەكرێت كەشتییەكە بكرێتە شوێنێكی گەشتیاری خەڵك بۆ بینینی سەردانی بكەن.
زانایان دەڵێن، گردێكیان لەسەر شێوەی كەشتی لە توركیا دۆزیوەتەوە، تاقیكردنەوەكان دەریان خست كاتی خۆی پڕ بووە لە ئاو و مێژووەكەی بۆ پێنج هەزار ساڵ دەگەڕێتەوە، كە ئەو ماوەیەیە زریانەكەی تیادا روو داوە كە لە قورئان و ئینجیل باسی كراوە، ئەو گردە دەكەوێتە دووری 30 كیلۆمەتر لە باشووری چیای ئارارات لە توركیا، كە بریتییە لە پاشماوەی بە بەردبووی كەشتییەكی لە دار دروستكراو.
گردەكە ناوی دوروپینارە و پێكهاتەیەكی جیۆلۆجییە و درێژییەكەی 163 مەترە لە خاوی ئاسن لە جۆری لیمونیت دروست كراوە، بەپێی راپۆرتەكەی "دیلی مێڵ"، چەند بەڵگەیەكی نوێ هەن ئاماژە دەكەن كە ئەو گردە بەر لە پێنج هەزار ساڵ دووچاری لافاوێكی گەورە و وێرانكەر هاتووەتەوە، ئەو بەڵگانەش لەگەڵ باسە ئاینییەكەی كەشتییەكە یەك دەگرێتەوە، بەوەی پێش سێ بۆ پێنج هەزار و 500 ساڵ لە زاین زریان ئەو ناچەی گرتووەتەوە.
وەڵام بدەوه