لە كۆبوونەوەی ئەمڕۆی ئەنجوومەنی وەزیرانی هەرێمی كوردستان كە بە سەرۆكایەتیی مەسروور بارزانی سەرۆك وەزیران بەڕێوە چوو، بڕیاری گرنگ بۆ پێشینە و قەرزەكان دەرچوو.
بڕگەی دووەمی كارنامەی كۆبوونەوە، تایبەت بوو بە گفتوگۆكردن لەبارەی دوو پێشنیار كە لەلایەن كوێستان محەمەد وەزیری كار و كاروباری كۆمەڵایەتی خرایە ڕوو، لەبارەی لێخۆشبوون لە پێشینەی هاوسەرگیریی خاوەن پێداویستیی تایبەت كە پێش ساڵی 2013 ئەو پێشینەیەیان وەرگرتبوو، هەروەها لێخۆشبوون لە قیستەكانی ماوە بۆ سوودمەندانی قەرزی بچووك لە ساڵانی پێشوو كە بۆ پڕۆژەی مامناوەند ئەو قەرزانەیان وەرگرتبوو، بەڵام ئەو سوودمەندانە كۆچی دواییان كردووە.
ئەنجوومەنی وەزیران بە كۆی دەنگ، هەردوو پێشنیاری وەزارەتی كار و كاروباری كۆمەڵایەتیی پەسند كرد، هەردوو وەزارەتی دارایی و ئابووری و كار و كاروباری كۆمەڵایەتی ڕاسپێردران بە دەركردنی ڕێنوێنیی پێویست بۆ ئاسانكاریی جێبەجێكردنی ئەم بڕیارە.
بڕیارە لە داهاتوویەكی نزیكدا، وەزارەتی دارایی و ئابووری حكوومەتی هەرێمی كوردستان ڕێنوێنی پێویست لەوبارەیەوە دەربكات.
وەڵام بدەوه