مەسرور بارزانی: کەرکوک دڵی کوردستانە، ڕۆژێک دێت دەگەڕێتەوە سەر کوردستان
مەسروور بارزانی سەرۆکی حکومەتی هەرێمی کوردستان لە میحوەری کەرکووک لەگەڵ پێشمەرگە و جووتیاران گوتی، خۆشحاڵم لەو بۆنەیەدا جووتیارەكان دەبینم و پێشمەرگەیش لێرەن، هاتووم بۆ دووپاتكردنەوەی پشتیوانی خۆمان بۆ جووتیاران و هێزی پێشمەرگە.
ڕوونیشی كردەوە كە دەستخۆشی لە هێزی پێشمەرگە دەكەم كە شەووڕۆژ شەونوخونی دەكەن لە پێناو ژیانی ئێمە و ئێستەیش هەموومان قەرزاری پێشمەرگەكانین.
مەسروور بارزانی سەرۆك وەزیرانی كوردستان ئاماژەی بۆ ئەوە كرد، دیمەنەكانمان بینی كە چۆن پەلاماری جووتیارەكان درا، بەڵام هەر زوو سەرۆك بارزانی وەڵامی دایەوە و لەگەڵ بەغدایش قسەی كرد و ئێستەیش بە هەموو جۆرێك ئامادەین بەرگری لە مافی خەڵكی كوردستان و جووتیاران بكەین و واز لە بستێك خاكی ئەم كوردستانە ناهێنین.
سەرۆك وەزیرانی كوردستان گوتی، چەندان جار رێككەوتن كراوە لەگەڵ بەغدا، هەڵەیەكی گەورە لە سەردەمی دەستوورەوە كراوە كە ناو لەو ناوچانە نراوە كێشەلەسەر، ئەوانە ناوچەی داگیركراون و بە ئاشتیانە دەمانەوێ هەموو خاكی كوردستان بگەڕێنینەوە.
هەروەها دووپاتی كردەوە كە پێویستە بەرژەوەندی وڵاتەكەمان بخەینە سەرووی بەرژەوەندی تەسكی حزبی و كەسی. بۆیە "هیوادارم بتوانین زیاتر خزمەتی كوردستان بكەین و دڵنیابن بەردەوامین لەگەڵ حكوومەتی عێراق بۆ كێشەی ئەو ناوچانە، چونكە ئەوە شتێك نییە بە پۆستێك یان دوو پۆست چارەسەر بكرێت".
"كەركووك دڵی كوردستانە و دەبێت رۆژێك بێت بگەڕێتەوە سەر كوردستان و ئەوەیش بە ئیرادەی خەڵكی كوردستان دەكرێت" مەسروور بارزانی وای گوت.
وەڵام بدەوه