لەسەر راسپاردەی سەرۆكی حكوومەتی هەرێمی كوردستان، بەڕێوەبەرایەتییەكی پەروەردە بۆ خوێندنی كوردی لە دیاسپۆرا بۆ كوردان دەكرێتەوە، بۆ ئەمەیش یاداشتێكی هاوئاهەنگی لە نێوان هەردوو وەزارەتی پەروەردە و فیدراسیۆنی رەوەندی كوردی لە دیاسپۆرا واژوو كراوە.
ئەمڕۆ سێشەم چواری ئاداری 2025، ئالان حەمەسەعید وەزیری پەروەردەی حكوومەتی هەرێمی كوردستان، لە كۆنگرەیەكی رۆژنامەوانی لەمیانی واژووكردنی یاداشتی هاوئاهەنگی لە نێوان وەزارەتی پەروەردە و فیدراسیۆنی رەوەندی كوردی لە دیاسپۆرا رای گەیاند، یاداشتەكە لەسەر راسپاردەی مەسروور بارزانی واژوو كراوە، ئامانج لێی كردنەوەی بەڕێوەبەرایەتییەكی تایبەتە بە خوێندنی كوردی.
وەزیری پەروەردە ئەوەیشی گوت، بۆ هەموو ئەو كوردانەی لە دیاسپۆران، بەڕێوەبەرایەتییەكی تایبەت بە خوێندنی كوردی دادەمەزرێت، لەبارەی كارەكانی بەڕێوەبەرایەتییەكەشەوە ئاماژەی دا، كارەكان بە دامەزراوەیی دەكرێن لە ئاستی بەڕێوەبەرایەتی، هاوكات لەبارەی گرنگیی پڕۆژەكەشەوە وەزیری پەروەردە روونی كردەوە، پشتیوانی لە رەوەندی كوردی دەكات لە دەرەوەی وڵات.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه