ڕێنمایی نوێ بۆ مانگی ره‌مه‌زان بڵاکرایەوە

له‌ چوارچێوه‌ی ڕێنماییه‌كان بۆ مانگی ڕمه‌زانی پیرۆز وه‌كو هه‌موو ساڵێك ، وه‌زاره‌تی ئه‌وقاف و كاروباری ئاینیی حكوومه‌تی هه‌رێمی كوردستان ئه‌مڕۆ چوارشه‌ممه‌ 26-2-2025 چه‌ند ڕێنماییه‌كانی بۆ ڕێكخستنی بازاڕ و مزگه‌وته‌كان و شێوازی وتاردان و  ڕێكخستنی خشته‌ی بانگدانی مزگه‌واته‌كان خسته‌ڕوو كه‌ ئه‌مه‌ ده‌قی ڕێنماییه‌كانه‌
 
ڕێنماییە كارگێڕییەكان
یەكەم:  پێویستە چێشتخانەو كافتریار و دوكان و بازاڕەكان ڕەچاوی حورمەتی ئەم مانگە پیرۆزە بگرن و هەستی ڕەۆژوەوان بپارێزن
دووەم:  لەم مانگە پیرۆزەدا هیچ جۆرە خواردن و خواردنەوەیەك لە دام و دەزگا فەرمیەكان پێشكەش ناكرێت
سێیەم:  پێویستە گشت كەناڵەكانی ڕاگەیاندن تایبەتمەندی و پیرۆزی ئەم مانگە لەبەرچاو بگرن شتێك بڵاو نەكەنەوە، كە لەگەڵ گەورەیی و پیرۆزی ئەم مانگەنە گونجێت
چوارەم:  ڕێنمایی تایبەت بەمزگەوت و مامۆستایانی ئایینی لە وەزارەتی ئەوقاف و كاروباری ئایینی دەرچووە، پێویستە هاوكاری جێ بەجێكردن و پراكتیزەكردنی ناوەڕۆكی بدرێت
پێنجەم:  هەر مەراسیمێكی تایبەت بەم مانگە ئەنجام بدرێت لەسەرجەم پارێزگا و ئیدارە سەربەخۆكان و قەزا و ناحیەكان پێویست لەژێر چاودێری وەزارەتی ئەوقاف و كاروباری ئایینی/ یان بەڕێوەبەرایەتیە گشتیەكان/ بەڕێوەبەرایەتیەكانی ئەوقاف بێت
شەشەم: داواكارین لایەنەكانی پەیوەندیدار لەپارێزگاو یەكە ئیداریە سەربەخۆكان سەرپەرشتی و بەدواداچوونی جێ بەجێكردنی ئەم ڕێنماییانە بكەن
حەوتەم:  سەرجەم كەناڵەكانی ڕاگەیاندن بەرپرسن لە هەر هەواڵێكی نادروست سەبارەت بەڕاگەیاندنی یەكەم ڕۆژو كۆتا ڕۆژی مانگی ڕەمەزانی پیرۆز
هەشتەم:  لەكانی پێشكەشكردنی بابەتی ئایینی دەبێت كەسێكی پسپۆڕ لەبواری ئایینی و مامۆستایانی ئایینی كە بە فەرمی كار دەكەن میوانداری بكرێن