سه‌رۆكی حكوومه‌ت له‌ هه‌ولێر پێشانگای نێوده‌وڵه‌تیی ئۆتۆمبێل ده‌كاته‌وه‌

سه‌رۆكی حكوومه‌تی هه‌رێمی كوردستان، پێشانگای نێودەوڵەتیی ئۆتۆمبێل لە هەولێر دەکاتەوە کە سەدان کۆمپانیا تێیدا بەشدار دەبن.
بڕیاره‌ کاتژمێر 10ی بەیانیی ئەمڕۆ پێنجشەممە 20ی شوباتی 2025، مەسرور بارزانی، سەرۆکی حکوومەتی هەرێمی کوردستان، پێشانگای نێودەوڵەتیی ئۆتۆمبێل لە هەولێر بكاته‌وه‌.
پێشانگاکە بۆ ماوەی چوار ڕۆژ، تاوەکوو ڕۆژی یەکشەممەی داهاتوو، 23-02-2025، بەردەوام دەبێت و ڕۆژانە لە کاتژمێر 11:00ـی پێشنیوەڕۆ تاوەکوو 07:00ـی ئێوارە کراوە دەبێت و 12 کۆمپانیای گەورە بە 19 براندی جیاواز، 160 کۆمپانیای جوانکاری و پارچەی یەدەگی ئۆتۆمبێل کە 40ـیان ناوخۆیی و 120ـیان بیانین، بەشداریی پێشانگەکە دەکەن و هه‌ر لەم پێشانگایەدا، گەورەترین نمایشی ئۆتۆمبێل و ماتۆرسکیل دەکرێت.